shivsena leader Kishori pednekar reply mns yogesh khaire letter over uddhav thackeray dasara melava ssa 97 | Loksatta

“उद्धव ठाकरेंपर्यंत पोहचण्याची तुमची लायकी नाही”, किशोरी पेडणेकरांनी मनसेला सुनावलं; म्हणाल्या, “एैरा, गैरा…”

Kishori pednekar : किशोरी पेडणेकर यांनी प्रसारमाध्यमांशी संवाद साधला आहे. त्यांनी दसरा मेळावा, शिंदे गट आणि देवेंद्र फडणवीस यांच्यावरती प्रतिक्रिया व्यक्त केल्या आहेत.

“उद्धव ठाकरेंपर्यंत पोहचण्याची तुमची लायकी नाही”, किशोरी पेडणेकरांनी मनसेला सुनावलं; म्हणाल्या, “एैरा, गैरा…”
किशोरी पेडणेकर राज ठाकरे ( संग्रहित छायाचित्र )

शिवसेना पक्षप्रमुख उद्धव ठाकरेंना मनसे प्रवक्ते योगेश खैरे यांनी एक पत्र लिहलं आहे. त्यामध्ये उद्धव ठाकरेंना तमाम माझ्या हिंदूंनो-भगीनींनो म्हणण्याचा अधिकार आहे का?, असा सवाल विचारला आहे. तसेच, मुख्यमंत्री असताना अजानची स्पर्धा शिवसेनेने भरवली होती, अशी टीकाही करण्यात आली आहे. यावरून माजी महापौर, शिवसेना नेत्या किशोरी पेडणेकर यांनी प्रत्युत्तर दिलं आहे. त्या मुंबईत प्रसारमाध्यमांशी बोलत होत्या.

“कोणी एैरा, गैरा नट्टू खैरा पत्र लिहतो, त्याची आम्ही दखल घेत नाही. लोकशाहीत पत्र लिहण्याचा अधिकार आहे, तेवढ्याचं हिशोबात रहावे. उद्धव ठाकरेंपर्यंत पोहचण्याची तुमची लायकी नाही. स्वत:चा पक्ष कसा वाढेल, यावरती लक्ष द्या. तमाम माझ्या हिंदूंनो-भगीनींनो म्हणण्याचा अधिकार सर्वांना आहे,” असे किशोरी पेडणेकर यांनी म्हटलं आहे.

हेही वाचा – “राहुल गांधी पंतप्रधान होणार नाहीत, पण वज्रदंतीचे ब्रँड…”; ऊस खातानाच्या फोटोवरून भाजपा आमदाराचा टोला

“शेतकरी, बेरोजगार आणि गरीब रडत आहे”

शिंदे गटाने दसरा मेळाव्यासाठी पैशाचा वापर केल्याबाबत किशोर पेडणेकरांना पत्रकारांनी सवाल विचाराला. त्यावर त्यांनी म्हटलं, “शेतकरी, बेरोजगार आणि गरीब रडत आहे. मात्र, शिंदे गटातील दसरा मेळाव्यात जेवणाच्या पंगती उठणार आहे. लोकांना लुभवण्यासाठी ते युक्तांचा वापर करत आहेत. सरकारी कर्मचाऱ्यांना देखील दसरा मेळाव्यात आणण्यात येणार आहे,” असा आरोपही किशोरी पेडणेकर यांनी केला.

हेही वाचा – “अजित पवारांनी पंधरा वर्षे निवांत रहायचं”, शहाजी बापू पाटलांचा टोला; म्हणाले, “शीवतीर्थावर राष्ट्रवादीचा…”

“आपल्याला विचाराचे सोने लुटायचे आहे”

‘भाषण करताना कायदा मोडला तर कायदा आपलं काम करेल,’ असे उपमुख्मयंत्री तथा गृहमंत्री देवेंद्र फडणवीस यांनी म्हटलं. त्यावर विचारले असता किशोरी पेडणेकर यांनी सांगितलं, “देवेंद्र फडणवीस आणि शरद पवार यांनीही याबाबत सल्ला दिला आहे. उद्धव ठाकरे कधीही आपल्या भाषेची पातळी सोडत नाही. अन्य नेत्यांनीही आपल्या भाषेचं भान ठेवावे. आपल्याला विचाराचे सोने लुटायचे आहे. कोणाच्या वैयक्तिक आयुष्याची चिरफाड करायची नाही,” असा सल्लाही किशोरी पेडणेकर यांनी दिला आहे.

मराठीतील सर्व महाराष्ट्र ( Maharashtra ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Patra Chawl Case: संजय राऊतांना जामीन नाकारल्यानंतर सुप्रिया सुळेंची पहिली प्रतिक्रिया; म्हणाल्या, “काहीतरी कुठंतरी…”

संबंधित बातम्या

“…तर आयुष्यभर उद्धव ठाकरेंचे पाय चेपू, त्यांनी फक्त…”, आमदार संजय गायकवाड यांचं जाहीर आव्हान!
“मी कुठेतरी वाचलंय, रेडा हे…”, उदय सामंत यांचा उद्धव ठाकरेंना टोला; म्हणाले, “पाच महिन्यांपूर्वी आम्ही वाघ होतो!”
“…अन् त्या बदलाची प्रेरणा असेल शिवछत्रपतींचं एक धोरणी वाक्य!”, राज ठाकरेंच्या सभेआधी मनसेकडून टीझर रिलीज
राज्यपालांना हटवण्याच्या मागणीवरून राऊतांची सरकारवर टीका,’ सुधीर मुनगंटीवार म्हणाले “अल्टिमेटम देण्याचा…”
“त्यांची मानसिकता ढळली आहे, नैराश्यातून…”, एकनाथ शिंदेंचा उद्धव ठाकरेंना खोचक टोला; ‘कंटेनरभरून खोक्यां’चा केला उल्लेख!

व्हिडिओ

ताज्या बातम्या
ब्लड शुगरमध्ये कधी येते पाय कापण्याची वेळ? वेळीच जाणून घ्या Diabetic Foot ulcer ची लक्षणे
मुंबई: औषधाचा साठा परत बोलाविण्याची अन्न व औषध प्रशासनाची प्रक्रिया संदिग्ध!
“…अन् त्या बदलाची प्रेरणा असेल शिवछत्रपतींचं एक धोरणी वाक्य!”, राज ठाकरेंच्या सभेआधी मनसेकडून टीझर रिलीज
FIFA World Cup 2022: राष्ट्रगीतासाठी शीख मुलासोबत दिसला ब्राझीलचा कर्णधार नेमार; पाहा व्हिडिओ
पुणे :कोथरुड, दत्तवाडी भागात अमली पदार्थांची विक्री; साडेचार लाखांचे अमली पदार्थजप्त, तिघे अटकेत