scorecardresearch

Premium

“हे तिन्ही नेते पुढील निवडणूक डोळ्यासमोर ठेऊन…”; रायगड पालकमंत्रिपदावर बोलताना शिंदे गटाच्या नेत्याचं वक्तव्य

रायगडच्या पालकमंत्रिपदावरून शिंदे गट व अजित पवार गटात संघर्ष पाहायला मिळत आहे. या पार्श्वभूमीवर शिंदे गटाचे आमदार संजय शिरसाट यांनी रायगड पालकमंत्रिपदावर प्रतिक्रिया दिली.

Eknath Shinde Sunil Tatkare Bharat Gogawale
रायगड पालकमंत्रिपदावर बोलताना शिंदे गटाच्या नेत्याने सूचक वक्तव्य केलं आहे. (छायाचित्र – लोकसत्ता ग्राफिक्स टीम)

राज्यात भाजपा, शिवसेनेचा शिंदे गट आणि राष्ट्रवादी काँग्रेसच्या अजित पवार गटाचं सरकार आहे. मात्र, रायगडच्या पालकमंत्रिपदावरून शिंदे गट व अजित पवार गटात संघर्ष पाहायला मिळत आहे. या पार्श्वभूमीवर मुख्यमंत्री एकनाथ शिंदे यांनी १२ जिल्ह्यांच्या पालकमंत्र्यांची यादी जाहीर केली. मात्र, त्यात रायगडचा समावेश नाही. त्यामुळे चर्चांना उधाण आलं आहे. अशातच शिंदे गटाचे आमदार संजय शिरसाट यांनी रायगड पालकमंत्रिपदावर प्रतिक्रिया दिली. ते बुधवारी (४ ऑक्टोबर) टीव्ही ९ मराठीला दिलेल्या प्रतिक्रियेत बोलत होते.

संजय शिरसाट म्हणाले, “मंत्रिमंडळाचा विस्तार लवकरच होईल अशी अपेक्षा करायला हरकत नाही. राहिला काही ठिकाणच्या पालकमंत्रीपदाचा वाद, तर प्रत्येक पक्षातील आमदाराला किंवा नेत्याला आपल्या जिल्ह्यावर आपलं वर्चस्व असावं हे वाटणं साहजिक आहे. म्हणून याचा तिढा मुख्यमंत्री एकनाथ शिंदे आणि उपमुख्यमंत्री सोडवतील. यात मोठा वाद होण्याचं कारण राहणार नाही.”

eknath shinde groups Yuva Sena warns Aditya Thackeray
ठरवले तर वरळीत येऊन पाडू… आदित्य ठाकरे यांना शिंदे यांच्या युवासेनेचा इशारा
ram mandir congress
उत्तर प्रदेशच्या दोन काँग्रेस आमदारांची मुख्यमंत्री योगींसोबत अयोध्या यात्रा; पक्षांतर्गत मतमतांतरं असण्यामागे कारण काय?
karnataka Chief Minister Siddaramaiah
कर्नाटक अन् केरळवरील अन्यायाच्या आरोपातून काँग्रेसचे ‘दिल्ली चलो’ आंदोलन, भाजपच्या खासदारांनाही सहभागी होण्याची विनंती
Congress state president Nana Patole demands that the chief minister should resign immediately accusing him of corruption Nagpur
मुख्यमंत्र्यांवर भ्रष्टाचाराचे आरोप, तात्काळ राजीनामा द्यावा; काँग्रेसचे प्रदेश अध्यक्ष नाना पटोलेंची मागणी

“तिन्ही नेते निवडणूक डोळ्यासमोर ठेऊन योग्य निर्णय घेतील”

“एखाद्या जिल्ह्याचा वाद असू शकतो. रायगड, पुणे, नाशिक या जिल्ह्यांचा वाद सामंजस्याने सोडवायला हरकत नाही. हे तिन्ही नेते पुढील निवडणूक डोळ्यासमोर ठेऊन योग्य तो निर्णय घेतील, अशी माझी त्यांच्याकडून अपेक्षा आहे,” असं मत संजय शिरसाट यांनी व्यक्त केलं.

सुधारित १२ जिल्ह्यांच्या पालकमंत्रीपदाची जबाबदारी पुढीलप्रमाणे:

पुणे- अजित पवार</p>

अकोला- राधाकृष्ण विखे- पाटील

सोलापूर- चंद्रकांत दादा पाटील

अमरावती- चंद्रकांत दादा पाटील

भंडारा- विजयकुमार गावित

बुलढाणा- दिलीप वळसे-पाटील

कोल्हापूर- हसन मुश्रीफ

गोंदिया- धर्मरावबाबा आत्राम

बीड- धनंजय मुंडे</p>

परभणी- संजय बनसोडे

नंदूरबार- अनिल भा. पाटील

वर्धा – सुधीर मुनगंटीवार

हेही वाचा : अजित पवार नाराज असल्याने मंत्रीमंडळ बैठकीला गैरहजर असल्याच्या चर्चा, सुनील तटकरे म्हणाले…

राज्यातील १२ जिल्ह्यांच्या पालकमंत्रिपदाची यादी जाहीर असली, तर ज्या रायगडच्या पालकमंत्रिपदावरून शिंदे गट आणि अजित पवार गटात सर्वाधिक संघर्ष पाहायला मिळाला त्याचा निर्णय या यादीत घेण्यात आलेला नाही. रायगडच्या पालकमंत्रिपदाचा अतिरिक्त भार सध्या शिंदे गटाचे नेते उदय सामंत यांच्याकडेच आहे.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shivsena shinde faction leader comment on dispute of raigad guardian minister pbs

First published on: 04-10-2023 at 13:29 IST

आजचा ई-पेपर : महाराष्ट्र

वाचा
epaper image

संबंधित बातम्या

तुम्ही या बातम्या वाचल्या आहेत का? ×