scorecardresearch

Premium

ठाकरे गटातील खासदाराकडून राहुल नार्वेकरांचा ‘सरडा’ असा उल्लेख; म्हणाले, “अनेक पक्षांचे रंग…”

“…मग पक्ष, नाव आणि चिन्ह त्यांना कसं दिलं?” असा सवालही खासदारांनी निवडणूक आयोगाला विचारला आहे.

uddhav thackeray rahul narwekar
ठाकरे गटातील खासदार अरविंद सावंत यांनी राहुल नार्वेकर यांच्यावर टीका केली आहे. ( फेसबुक छायाचित्र )

शिवसेनेच्या दोन्ही गटातील ५४ आमदारांच्या अपात्रतेवरील सुनावणी तीन आठवडे लांबणीवर गेली आहे. शिंदे गटातील आमदारांनी याचिकेच्या कागदपत्रांची मागणी करुन दोन आठवड्यांचा कालावधी मागितल्यावर विधानसभा अध्यक्ष अ‍ॅड. राहुल नार्वेकर यांनी त्यांना एक आठवड्यांचा वेळ दिला. त्यानंतर प्रतिज्ञापत्र व त्यास उत्तर सादर करण्यासाठी १० दिवसांचा कालावधीही मंजूर करण्यात आला आहे.

यावरून शिवसेना ( ठाकरे गट ) खासदार अरविंद सावंत यांनी राहुल नार्वेकर यांच्यावर टीका केली आहे. “विधानसभेत सरडे बसले आहेत. अनेक पक्ष त्यांनी बदलले आहेत. त्यामुळे अनेक पक्षांचे रंग त्यांच्या अंगावर आहे. विधानसभा अध्यक्ष असल्याने हवा तसा विलंब करत आहेत,” असा हल्लाबोल अरविंद सावंत राहुल नार्वेकरांवर केला. ते ‘टीव्ही ९ मराठी’शी बोलत होते.

chandrashekhar bawankule (1)
“…भाजपाचे वरिष्ठ नेते फक्त तमाशा बघतात”, ‘त्या’ विधानावरून बावनकुळेंचा रोहित पवारांना इशारा, म्हणाले…
rohit pawar on gopichand padalkar
पडळकरांसह अजित पवार गटातील नेत्यांवर रोहित पवारांचा संताप; म्हणाले, “चॉकलेट बॉय…”
nitesh rane rohit pawar
“शरद पवार आणि उद्धव ठाकरे यांनी लक्ष दिलं, तर…”, रोहित पवारांचा नितेश राणेंना इशारा
Jayant Pati
“राष्ट्रवादीत फूट पडली नसल्याचं निवडणूक आयोगाला सांगितलं होतं, पण…”, जयंत पाटलांची टीका

हेही वाचा : “फडणवीसांनी राणांना आवर घालण्याची गरज आहे”, बच्चू कडूंच्या वक्तव्यावर रवी राणा प्रत्युत्तर देत म्हणाले…

अरविंद सावंत म्हणाले, “सर्वोच्च न्यायालयाने दिलेल्या निर्णयानंतरही बेकायदेशीर सरकार बसलं आहे. देशात लोकशाही आणि संविधानाचा कोण सन्मान राखतो की नाही? असा प्रश्न निर्माण झाला आहे.”

“सर्वोच्च न्यायालयाने निर्णय दिला आहे. अंमलबजावणी विधानसभा अध्यक्षांनी करायची आहे. पण, विधानसभेत सरडे बसले आहे. अनेक पक्ष त्यांनी बदलले आहेत. अनेक पक्षांचे रंग त्यांच्या अंगावर आहेत. विधानसभा अध्यक्ष असल्याने हवा तसा विलंब करत आहेत,” असं टीकास्र अरविंद सावंत यांनी राहुल नार्वेकरांवर सोडलं.

हेही वाचा : मराठवाड्याला ५९ हजार कोटींची भेट, मुख्यमंत्र्यांनी कॅबिनेट बैठकीत घेतले ‘हे’ महत्त्वाचे निर्णय

“निवडणूक आयोगानं शिवसेना चिन्ह आणि नाव काढून घेतले, ते बेकायदेशीर आहे. निवडणूक आयोगानं आमच्याकडून २० लाख फॉर्म घेतले. समोरच्यांनी किती फॉर्म भरून दिले? याचा आकडाही जगाला कळूद्या. मग पक्ष, नाव आणि चिन्ह त्यांना कसं दिलं? चाळीस आमदार म्हणजे पक्ष नाही. एखाद्या पक्षात एकच आमदार आहे. तो आमदार पक्षातून बाहेर गेल्यावर काय होईल?” असा सवाल अरविंद सावंत यांनी उपस्थित केला.

Latest Comment
View All Comments
Post Comment

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Shivsena thackeray group mp arvind sawant attacks rahul narwekar ssa

First published on: 16-09-2023 at 20:17 IST

संबंधित बातम्या

मराठी कथा ×