संपूर्ण राज्यात महाराष्ट्र दिन उत्साहात साजरा होत असताना स्वतंत्र विदर्भ राज्याची मागणी करणारे नेते आजचा दिवस काळा दिवस म्हणून साजरा करत आहेत. राज्याचे माजी महाधिवक्त श्रीहरी अणेंनी आज नागपूरच्या विष्णुजी की रसोई, बजाजनगर येथे स्वतंत्र विदर्भाचा झेंडा फडकावला. यावेळी अणेंसह अन्य नेतेही उपस्थित होते.
महाराष्ट्र दिनाच्या दिवशी आपल्या मागणीकडे लक्ष वेधण्यासाठी या विदर्भवादी नेत्यांनी विविध कार्यक्रम आखले आहेत. कस्तुरचंद पार्क मैदानावर आकाशात काळे फुगे सोडण्यात आले. त्यावर ‘जय विदर्भ’ असे लिहीले होते.
दरम्यान, स्वतंत्र विदर्भाच्या मागणीसाठी शहरात एसटी बसेसची तोडफोड करण्यात आली. एका तरुणाने एसटी डेपोमध्ये पाच एसटी बसेसची तोडफोड केली. सकाळी सातच्या सुमारास ही घटना घडली. युवराज साळवी असे या तरुणाचे नाव असून, त्याला पोलिसांनी ताब्यात घेतले आहे.