सिंधुदुर्ग: करूळ घाटात दरड कोसळली; वाहतूक पुर्ववत

घटनेची माहिती मिळताच राष्ट्रीय महामार्ग प्राधिकरणाने तातडीने जेसीबीच्या सहाय्याने दरड हटवण्याचे काम सुरू केले. दुपारनंतर घाटातील वाहतूक पूर्णपणे सुरळीत करण्यात आली.

पावसामुळे करूळ घाटातील सूर्यास्त पॉईंटजवळ दरड कोसळली.

सावंतवाडी : वैभववाडी तालुक्यात सुरू असलेल्या मुसळधार पावसामुळे करूळ घाटातील सूर्यास्त पॉईंटजवळ दरड कोसळली. यामुळे काही काळ वाहतूक विस्कळीत झाली होती. शनिवारी हि घटना घडली . रस्त्यावर मातीसह मोठे दगड आल्याने वाहतूक ठप्प झाली होती. मात्र, काही वाहनचालकांनी पुढाकार घेऊन दगड बाजूला केले आणि वाहतूक एकेरी सुरू केली.

घटनेची माहिती मिळताच राष्ट्रीय महामार्ग प्राधिकरणाने तातडीने जेसीबीच्या सहाय्याने दरड हटवण्याचे काम सुरू केले. दुपारनंतर घाटातील वाहतूक पूर्णपणे सुरळीत करण्यात आली. गेले काही दिवस सह्याद्री पट्ट्यात मुसळधार पाऊस पडत असल्याने तरेळे-कोल्हापूर राष्ट्रीय महामार्गावरील या घाटात दरड कोसळण्याची ही घटना घडली. प्रशासनाने तातडीने केलेल्या उपाययोजनांमुळे प्रवाशांना जास्त त्रास झाला नाही.

First published on: 30-08-2025 at 19:10 IST | © The Indian Express (P) Ltd

TOPICSसिंधुदुर्ग Sindhudurg

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Sindhudurg rain news heavy rains in vaibhavwadi taluka cause landslide in karul ghat zws