Video : “या पुरस्कारावर माझ्या लेकरांच्या वेदनेचा अधिकार”, सिंधुताईंनी पद्मश्री केला होता लेकरांना अर्पण!

नक्की पाहा – Photos: माईंची खरी कमाई… सिंधुताईंनी संभाळलेल्या त्या ९ मुलींच्या लग्नाला ३००० पाहुण्यांची हजेरी

सिंधुताई सपकाळ म्हणाल्या…

मला खरं वाटत नाही की मला हा पुरस्कार मिळाला आहे. माझा खरा परिचय म्हणजे रेल्वेत भीक मागणारी बाई. रात्री भिकाऱ्यांना मी खाऊ घालायचे. मला गाणं म्हटलं की खाणं मिळायचं. रात्री मला भिती वाटायची कारण सगळे भिकारी झोपून जायचे. त्यामुळे मी स्मशानात जायचे. कारण मला माहिती होतं की मेल्याशिवाय माणसं स्मशानात जात नाही, रात्री भुताच्या भितीने कुणीच येत नाही. त्यामुळे स्मशानात अंधार, ओरडणारे पक्षी, जळणाऱ्या प्रेतावर भाकरी भाजणारी मी.. फार भयाण होतं ते. आता त्या कल्पनेनंही माझ्या अंगावर काटा येतो. माझ्याकडे काही मुलंच असता असं नाही. मुली असतात, विधवा असतात, परित्यक्ता असतात. मी शोधून आणते. माझं हे दु:खितांचं घर आहे. हे दु:ख असंच चालत राहिलं असतं. पण जगानं सढळ हातांनी मदत केली. म्हणून माझे लेकरं जिवंत राहिले. म्हणून त्या मदत देणाऱ्या हातांना मी हा पुरस्कार अर्पण करते. मी हाफ टाईम मराठी चौथी पास नववारी जिंदाबाद. हा पुरस्कार मिळणं म्हणजे माझ्यासाठी धक्का आहे. मी फक्त जगत गेले, चालत गेले. फक्त मागे वळून पाहिलं एवढंच. सरकारलाही धन्यवाद देते. तुम्हा सर्वांना माझा पुरस्कार अर्पण करते. या पुरस्कारावर माझ्या लेकरांच्या भुकेचा अधिकार आहे, त्यांनी जगलेल्या, सहन केलेल्या वेदनेचा अधिकार आहे. मी अनाथांची माय झाले, तुम्ही गणगोत झालाच. म्हणून तुम्हा सर्वांना मी माझा हा पुरस्कार अर्पण करते बाळा!

नक्की पाहा – Video: नकोशी झालेली ‘चिंधी’ ते पद्मश्री पटकावणारी अनाथांची माय… सिंधुताई सपकाळ यांचा जीवनप्रवास

लोकसत्ता लाईव्हशी बोलताना सिंधुताई सपकाळ यांनी पद्मश्री पुरस्कारावर ही प्रतिक्रिया दिली होती.