अमरावती : परतवाडा -बैतूल मार्गावर निंभोरा फाटय़ाजवळ भरधाव कार दुचाकीला धडक देऊन नाल्यात कोसळली. या अपघातात ६ जण ठार, तर एक जण जखमी झाला. रविवारी रात्री उशिरा हा अपघात झाला.
पांडुरंग रघुनाथ शनवारे (३०, रा. बोदड ता. चांदूर बाजार), सतीश सुखदेव शनवारे (३०, रा. बहिरम कारंजा), सुरेश विठ्ठल निर्मळे (२५, रा. खरपी). कारचालक रमेश धुर्वे (३०, रा. सालेपूर), दुचाकी चालक प्रतीक दिनेश मांडवकर (२६), अक्षय सुभाष देशकर (२६, रा. बोदड ता. चांदूर बाजार) अशी मृतांची नावे आहेत. संजय गजानन गायन (२२, रा. बोदड) असे जखमीचे नाव आहे.
परतवाडा येथील एका हार्डवेअरच्या दुकानात काम करणाऱ्या मजुरांना संततधार पावसामुळे त्यांच्या गावी सोडण्यासाठी दुकान मालकाने स्वत:ची कार दिली. निंभोरा फाटय़ाजवळ भरधाव कार दुचाकीला धडकली आणि नाल्यात कोसळली. या अपघातात दुचाकीस्वारासह कारमधील पाच मजुरांचा जागीच मृत्यू झाला. एक जण गंभीर आहे.
कारमालक आणि हार्डवेअरचे संचालक राजू चुन्नीलाल मानधने (५२, रा. परतवाडा) यांनी या घटनेची फिर्याद शिरजगाव कसबा पोलीस ठाण्यात नोंदवली.
