“शरद पवार सोबत आले तरच अजित पवारांना मुख्यमंत्रीपद”, काँग्रेस नेत्याच्या वक्तव्यावर सुप्रिया सुळे म्हणाल्या…

सुप्रिया सुळे म्हणाल्या, “आमच्यासाठी तरी अजून ही लोकशाही आहे. प्रत्येक पक्षाच्या प्रत्येक नेत्याला जे वाटतं ते त्यांना बोलण्याचा अधिकार आहे. शरद पवार आणि अजित पवार यांच्यात झालेल्या बैठकीत मी नव्हते. त्यामुळे तेथे काय चर्चा झाली हे मला माहिती नाही.”

“पवार व चोरडिया कुटुंब भेटणं यात वावगं किंवा आश्चर्यजनक काहीही नाही”

“माझ्याच नाही, तर अगदी अजित पवारांच्या जन्माआधीपासून चोरडिया व पवार कुटुंबाचे ऋणानुबंध आहेत. शरद पवार आणि अतुल चोरडिया यांचे वडील एकत्र महाविद्यालयात होते. त्यामुळे पवार कुटुंब व चोरडिया कुटुंब भेटणं यात वावगं किंवा आश्चर्यजनक काहीही नाही. आमचे अनेक वर्षांपासूनचे अतिशय प्रेमाचे संबंध आहेत. हे सर्वांनाच माहिती आहे,” असं मत सुप्रिया सुळेंनी व्यक्त केलं.

हेही वाचा : “अजित पवारांनी शरद पवारांना सोबत आणलं, तरच भाजपा…”, विजय वडेट्टीवारांचा मोठा दावा, म्हणाले…

“चोरडिया आणि पवार कुटुंब एकच आहे”

“चोरडिया कुटुंबाकडे जाणं, भेटणं, एकमेकांच्या सुख-दुःखात सोबत असणं वावगं नाही. चोरडिया आणि पवार कुटुंब एकच आहे. सहा दशकांहून जास्त काळ आम्ही एकमेकांबरोबर आहोत. हे संपूर्ण महाराष्ट्राला माहिती आहे,” असंही सुप्रिया सुळेंनी नमूद केलं.