आलिया-रणवीरचा ‘मिस्ट्री प्रोजेक्ट’

बॉलीवूडमधील अतरंगी पण आपल्या कामात तरबेज असलेले दोन कलाकार लवकरच एकत्र दिसण्याची शक्यता आहे. आलिया भट आणि रणवीर सिंग ही अनोखी जोडी एका जाहिरातीमध्ये एकत्र काम करत आहे.
टॅक्सी ड्रायव्हरच्या पोशाखातील आलिया आणि एका प्रवाशाच्या भूमिकेत असलेला रणवीर असा एक फोटो सोशल मिडियावर व्हायरल झाला आहे. टॅक्सीवाल्याचा पोशाख, हातात कटींग चाय आणि डोळ्यावर गॉगल असा आलियाचा लूक आहे. तर दुसरीकडे चपट केलेले केस , खांद्यावर बॅग अशा सामान्य माणसाच्या लूकमध्ये रणवीर यात दिसतो. मात्र, हे दोघे नक्की कोणत्या जाहिरातीसाठी काम करतायंत ते अद्याप कळलेले नाही.