‘बिग बी’, दादासाहेब फाळके पुरस्कार आणि ‘कुली’मधील तो अपघात, जाणून घ्या कनेक्शन

सूत्रांच्या माहितीनुसार, अमिताभ यांना २४ सप्टेंबर रोजी दादासाहेब फाळके पुरस्कार जाहीर झाला. त्याप्रमाणेच ३७ वर्षांपूर्वी याच दिवशी अमिताभ बच्चन २ महिन्यांच्या उपचारानंतर घरी परतले होते. ‘कुली’च्या सेटवर त्यांना गंभीर दुखापत झाली होती. त्यानंतर त्यांना रुग्णालयात दाखल करण्यात आलं होतं. सलग २ महिने उपचार घेतल्यानंतर त्यांना २४ सप्टेंबर रोजी घरी सोडण्यात आलं होतं. योगायोगाने ३७ वर्षानंतर याच दिवशी त्यांना दादासाहेब फाळके पुरस्कार जाहीर झाला.

 

View this post on Instagram

 

24 September 1982 Amitabh Bachchan return home from the hospital after the fatal accident on the set of Coolie & today after 37 years also, 24 September 2019, Amit ji awarded with DADASAHEB PHALKE AWARD. #amitabhbachchan

A post shared by Viral Bhayani (@viralbhayani) on Sep 26, 2019 at 4:35am PDT

दरम्यान, ‘सात हिंदुस्थानी’, ‘आनंद’, ‘रेश्मा और शेरा’, ‘गुड्डी’ हे अमिताभ बच्चन यांचे सुरुवातीच्या काळातले सिनेमा होते. १९७३ मध्ये आलेल्या ‘जंजीर’ या सिनेमामुळे त्यांची इमेजच बदलून गेली. हिंदी सिनेसृष्टीला ‘अँग्री यंग मॅन’ मिळाला. हा अँग्री यंग मॅन म्हणून जवळपास दोन दशकांहून अधिक काळ अमिताभ बच्चन वावरले. विजय खन्ना हे त्यांनी साकारलेलं पात्र हिंदी सिनेसृष्टीतला माईलस्टोनच म्हणता येईल. त्यानंतर मग ‘दीवार’, ‘शोले’, ‘जमीर’, ‘कभी कभी’, ‘हेरा-फेरी’, ‘रोटी कपडा और मकान’, ‘अग्नीपथ’, ‘डॉन’, ‘शक्ती’, ‘शहेनशहा’ या सारख्या एकापेक्षा सरस चित्रपटांमधून त्यांनी प्रेक्षकांचं मनोरंजन केलं