‘स्वराज्यरक्षक संभाजी’ ही मालिका आज छोट्या पडद्यावरील सर्वाधिक लोकप्रिय मालिकांपैकी एक म्हणून ओळखली जाते. या मालिकेत अभिनेता अमोल कोल्हे यांनी संभाजी महाराजांची व्यक्तिरेखा साकारली आहे. यापूर्वी त्यांनी छत्रपती शिवाजी महाराजांची भूमिका देखील साकारली होती. या दोन्ही भूमिका साकारताना त्यांना काय फरक जाणवला? तसेच अशा ऐतिहासिक व्यक्तिरेखा साकारताना त्यांच्या मनात कुठले विचार येतात? याबाबत अमोल कोल्हे यांनी ‘लोकसत्ता डिजीटल अड्डा’ या कार्यक्रमात सविस्तर सांगितले.