28 September 2020

News Flash

चाहत्यांच्या मागणीमुळे ‘दिल बेचारा’ चित्रपटातील गाणे यूट्यूबवर प्रदर्शित

हे गाणे प्रेक्षकांच्या विशेष पसंतीला उतरले होते.

बॉलिवूड अभिनेता सुशांत सिंह राजपूतचा ‘दिल बेचारा’ हा चित्रपट २४ जुलै रोजी प्रदर्शित झाला. हा चित्रपट डिझनी प्लस हॉटस्टारवर प्रदर्शित करण्यात आला होता. चित्रपट प्रदर्शित होताच पहिल्या २४ तासांमध्ये साडेनऊ कोटी लोकांनी पाहिला असल्याचे समारे आले. तसेच चित्रपटातील गाणी देखील प्रेक्षकांच्या विशेष पसंतीला उतरली होती. आता या चित्रपटातील गाणे यूट्यूबवर चाहत्यांच्या मागणीमुळे प्रदर्शित झाले असल्याचे समोर आले आहे.

‘एनडीटीव्ही’ने दिलेल्या वृत्तानुसार सुशांतच्या शेवटच्या चित्रपटातील गाणी प्रेक्षकांमध्ये विशेष लोकप्रिय ठरली होती. तसेच ही गाणी यूट्यूबवर प्रदर्शित करण्यात यावी अशी मागणी चाहत्यांनी केली होती. म्हणून चाहत्यांच्या मागणीवरुन सोनी इंडियाने चित्रपटातील ‘मसखरी (Maskhari Song)’ हे गाणे यूट्यूबर प्रदर्शित केले आहे. ‘मसखरी’ हे गाणे गायिका सुनिधि चौहान आणि हृदय गट्टाणी यांनी गायले आहे.

करोना व्हायरसमुळे उद्भवलेल्या परिस्थितीमुळे सिनेमागृह बंद आहेत. परिणामी ‘दिल बेचारा’ हा चित्रपट डिझनी प्लस हॉटस्टार या OTT प्लॅटफॉर्मवर प्रदर्शित झाला. या चित्रपटात सुशांतसोबत नवोदित अभिनेत्री संजना सांघीने स्क्रीन शेअर केली असून तिचा अभिनयदेखील प्रेक्षकांना भावला आहे. १ तास ४१ मिनीटांच्या या चित्रपटाला जगातील सर्वात मोठी रेटिंग ऑथिरिटी आयएमडीबीनेदेखील १० पैकी १० रेटिंग दिले आहे.

सुशांतचा शेवटचा चित्रपट सर्वांना पाहता यावा यासाठी डिझनी प्लस हॉटस्टारने तो प्रीमिअम सबस्क्रीप्शन नसलेल्यांसाठीही मोफत ठेवला. तरीसुद्धा टोरंट साइट्सवर हा चित्रपट लीक झाला आहे. प्रदर्शनाच्या काही तासांनंतर लगेचच ‘दिल बेचारा’ तमिळ रॉकर्ससारख्या टोरंट वेबसाइट्सवर लीक करण्यात आला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 5, 2020 5:17 pm

Web Title: dil bechara song mashkhari release on public demand on youtube avb 95
Next Stories
1 मृणाल कुलकर्णीने सांगितला ‘फत्तेशिकस्त’च्या शूटिंगदरम्यानचा अविस्मरणीय किस्सा
2 लेबनान स्फोट : अत्यंत धक्कादायक घटना; शिल्पा शेट्टीने व्यक्त केली हळहळ
3 सुशांत मृत्यू प्रकरण : CBI चौकशीचा प्रस्ताव केंद्राने स्वीकारताच अंकिता लोखंडेने केलं ‘हे’ ट्विट
Just Now!
X