अभिनेत्री कंगना रणौत रोजच तिच्या वेगवेगळ्या ट्विटमुळे चर्चेत असते. बॉलिवूडमधील घडामोडी असो किंवा देशातील, कंगना सोशल मीडियावर तिचं मत मांडत असते. मात्र अनेकदा परखडपणे मत मांडण कंगनालाच महागात पडतं. नुकतचं कंगनाने भाजपचं एक ट्विट शेअर करत सरकरावर निशाणा साधण्याचा प्रयत्न केला. मात्र कंगनाने केलेल्या ट्विटमुळे नेटिझन्सनी तिच्यावर पलटवार करत तिला ट्रोल केलं. गेल्या आठवडाभरात देशात ऑक्सिजन उपलब्ध न झाल्याने अनेकांना जीव गमवावा लागला आहे. एकीकडे करोनाचा वाढता उद्रेक आणि दुसरीकडे ऑक्सिजनचा तुटवडा यामुळे आरोग्य सुविधेचा ताण वाढतोय. अशात भाजपच्या अधिकृत ट्विटर अकाऊंटवरून देशात पुरेसा ऑक्सिजन साठा उपलब्ध असल्याचं सांगण्यात आलं आहे. कंगनाने भाजपचं हे ट्विट शेअर करत एक ट्विट केलं आहे. मात्र कंगनाच्या या ट्विटवरून नेटकऱ्यांनी तिलाच ट्रोल केलं. या ट्विटमध्ये कंगना म्हणाली , " देशद्रोही शक्ती ज्या त्यांचा वेळ संसाधन देशाला तोडण्यासाठी वाया घालवत आहेत त्या आज तुमचं मनोबल तोडण्याचा प्रयत्न करत आहेत. त्यांच्यापासून सावध रहा." असं ट्वीच कंगनाने केलंय. देशद्रोही शक्तियाँ जो अपना वक़्त संसाधन देश को तोड़ने में लगाते है आज आपका मनोबल तोड़ने की पूरी कोशिश कर रहे हैं, उनसे बचें — Kangana Ranaut (@KanganaTeam) April 23, 2021 भाजपने शेअर केलेल्या ट्वीटमध्ये मेदांता रुग्णालयाचे चेअरमन डॉक्टर नरेश त्रेहन यांनी रुग्णालयाकडे पुरेसा ऑक्सिजन साठा असून अफवांवर विश्वास ठेवू नका असं सांगितलं होतं. शिवाय गरज असेल तरच ऑक्सिजनचा वापर करा असंही ते म्हणाले होते. मात्र कंगनाच्या या ट्वीटवर एक युजर म्हणाला, " बीजेपी कृपया यांना लवकर तिकीट द्या. आता ही एखाद्याच्या मृत्यूची थट्टा करू लागली आहे. तसचं तर ते तिचं कामच आहे, ज्याची सुरुवात सुशांतच्या मृत्यूने झाली होती. " आप दारू पियो ,स्नैक्स खाओ ,#और बेला चाओं @bjp कृपया इन्हें जल्दी से टिकट दीजिए ये अब मौत का भी मज़ाक़ बना रहीं हैं, वैसे ये इनका पेशा है क्यूँकि शुरू इन्होंने सुशांत जी के मौत से ही किया था — FARHAN (@fnhindustani) April 23, 2021 तर दुसरा युजर म्हणाला आहे. "घरात बसून ट्वीट करण सोपं आहे. एकदा बाहेर येऊन पहा, परिस्थिती लक्षात येईल. तुम्हाला तर जास्तच कळेल कारण तुम्ही तर बिना मास्क फिरता" Kamre me baith ke tweet karna bahot aasan hai miss run out. Ek bar bahar jakar dekho. Halaat pata chal jayenge. Aapko to jyada pata chalenge kyunki aap to waise bhi bina mask ke ghoomte ho — Mask laga le (@iVaibhavGautam) April 23, 2021 अनेकांनी कंगनाच्या या ट्वीटनंतर तिला ट्रोल केलं आहे. ट्रोल होण्याची कंगनाची ही पहिली वेळ नाही. सोशल मीडियावर गेल्या काही दिवसात कंगना अनेकदा ट्रोल झाली आहे. लवकरच ती 'थलायवी' या सिनेमात झळकणार असून या सिनेमामुळे देखील तिला ट्रोल व्हावं लागलं होतं.