चित्रपटगृहांमधून दाखवण्यात येणाऱ्या 'धूम ३'च्या प्रोमोमध्ये बॉलिवूड स्टार कतरिनाच्या तोंडी एकही संवाद नाही. त्यामुळे कतरिनाच्या चाहत्यांमध्ये आणि 'बी-टाऊन'मध्ये खळबळ उडू शकते. मात्र, कतरिनाला याची फिकीर नाही. कारण प्रदर्शनपूर्व प्रसिध्दीमध्ये कतरिनाच्या तोंडी संवाद नसले तरी, 'धूम ३'च्या प्रदर्शित टायटल ट्रॅकमध्ये सध्या कतरिनाचीच 'धूम' आहे. कतरिनाच्या अदा असलेले 'धूम ३'चे शिर्षकगीत सध्या इंटरनेट व सॅटेलाईटच्या माध्यमातून धूमाकूळ घालत आहे. चित्रपटाच्या प्रदर्शनाच्या महिनाभर आधीच कतरिनाच्या या शिर्षकगीताने प्रचंड लोकप्रियता मिळवली आहे.
