भारतीय चित्रपटसृष्टीच्या इतिहासात निर्माण होणारा सगळ्यांत मोठा चित्रपट म्हणजेच 'RRR'. या चित्रपटाच पूर्ण नाव हे ‘रौद्रम रणम रुधिरम’ आहे. उगाडीच्या निमित्ताने चित्रपटाच्या निर्मात्यांनी चित्रपटाचे एक नवीन पोस्टर प्रदर्शित केले आहे. हे पोस्टर 'आरआरआर'च्या टीमने सोशल मीडियावर शेअर केले आहे. शेअर करताच प्रेक्षकांनी कमेंट करत शुभेच्छांचा वर्षाव केला आहे. 'RRR'च्या टीमने त्यांच्या अधिकृत इन्स्टाग्राम अकाऊंवरून चित्रपटाचे आणखी एक पोस्टर प्रदर्शित केले आहे. या पोस्टर मध्ये ज्युनिअर एनटीआर आणि राम चरण दिसत आहेत. हे पोस्टर पाहिल्यानंतर, हा फोटो एखाद्या उत्सवातील किंवा चित्रपटातील कोणत्या गाण्यातील असल्याचे दिसते. यात ज्युनिअर एनटीआर आणि राम चरण दोघे ही आनंदात असल्याचे दिसत आहे. "तुम्हाला सगळ्यांना नवीन वर्षाच्या हार्दिक शुभेच्छा."अशा आशयाचे कॅप्शन त्यांनी या पोस्टरला दिले आहे. पोस्टर शेअर करताच ४८ हजार पेक्षा जास्त लोकांनी याला लाइक केले आहे. हे पोस्टर सोशल मीडियावर प्रचंड व्हायरल झाले आहे. View this post on Instagram A post shared by RRR Movie (@rrrmovie) या चित्रपटाचे दिग्दर्शक 'बाहुबली' चित्रपटाचे दिग्दर्शक एस.एस. राजमौली आहेत. या चित्रपटात ज्युनिअर एनटीआर हा कोमराम भीम ही भूमिका साकारत आहे. तर राम चरण हा अल्लुरी सिताराम राजू ही भूमिका साकारत आहे. या दोघांच्या व्यतिरिक्त आलिया भट्ट, अजय देवगन, समुथीराकिनी, ऑलिव्हिया मॉरिस असे अनेक कलाकार यात मुख्य भूमिकेत दिसणार आहेत. हा चित्रपट १० भाषांमध्ये हा प्रदर्शित होणार आहे. या चित्रपट १३ ऑक्टोबरला प्रदर्शित होणार आहे.