News Flash

सदाशिव अमरापूरकर यांचा ‘धनगरवाडय़ा’त ‘झिमू’!

अमरापूरकर यांची भूमिका असलेला आणि त्यांचा अभिनय असलेला हा शेवटचा चित्रपट ठरला आहे.

सदाशिव अमरापूरकर

मराठी आणि हिंदी चित्रपटसृष्टीत तसेच मराठी रंगभूमीवर दिवंगत अभिनेते सदाशिव अमरापूरकर यांनी आपल्या अभिनयाचा स्वतंत्र ठसा उमटविला. अमरापूरकर यांनी रंगविलेली ‘झिमू’ही व्यक्तिरेखा ‘धनगरवाडा’ चित्रपटाद्वारे प्रेक्षकांसमोर आली आहे. अमरापूरकर यांची भूमिका असलेला आणि त्यांचा अभिनय असलेला हा शेवटचा चित्रपट ठरला आहे.
विजयकुमार दळवी यांच्या ‘धनगरवाडा’ या कादंबरीवर आधारित हा चित्रपट असून प्रसिद्ध सिनेमॅटोग्राफर समीर आठल्ये यांनी या चित्रपटाच्या निमित्ताने दिग्दर्शक म्हणून रुपेरी पडद्यावर पदार्पण केले आहे. प्रकृती साथ देत नसतानाही अमरापूरकर यांनी ‘धनगरवाडा’चे चित्रीकरण पूर्ण केले. धनगरवाडय़ातील ‘झिमू’ही व्यक्तिरेखाच या चित्रपटाची खरी नायक आहे.
कोल्हापूर-कर्नाटक सीमेवरील चंदनगडच्या जंगलात सुमारे तीन हजार फूट उंचीवरील धनगरपाडय़ावर चित्रपटाचे चित्रीकरण झाले. अमरापूरकर यांच्यासह चित्रपटात वरद चव्हाण, पल्लवी पाटील, मिलिंद गवळी, गणेश यादव, माधव अभ्यंकर, सुहासिनी देशपांडे, पूजा पवार, जयवंत वाडकर, अतुल आगलावे हे कलाकार आहेत.
विजयकुमार दळवी व प्रकाश मसुरकर निर्मित आणि अलका कुबल-आठल्ये व शिल्पा मसुरकर यांची ही प्रस्तुती आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 28, 2015 1:32 am

Web Title: sadashiv amrapurkar play role in dhangarwada
Next Stories
1 मेकअप करताना बिपाशाचा चेहरा भाजला!
2 ‘स्पेक्टर’मधील चुंबनदृश्यांना कात्री लावण्याचा सेन्सॉर बोर्डाचा निर्णय अतार्किक- इम्रान हाश्मी
3 प्रिया बेर्डे दुहेरी भूमिकेत!
Just Now!
X