News Flash

वीकेण्डसाठी मनोरंजनाची खास ट्रीट, तुम्ही काय पाहताय या विकेण्डला ?

यात समांतर सारखी सस्पेंस आणि खिळवून ठेवणारी वेब सीरिज प्रेक्षकांची उत्कंठा वाढवणारी आहे. तर 'हसीन दिलरुबा'ची मर्डर मिस्ट्री प्रेक्षकांना कोड्यात टाकणारी आहे. 

प्रेक्षकांचं भरभरून मनोरंजन व्हावं यासाठी ओटीटीवर दर आठवड्याला नवनवे वेब शो आणि सिनेमा रिलिज होत असतात. तर या आठड्यातही असाच एक बहुप्रतिक्षित मराठी वेब शो प्रेक्षकांच्या भेटीला येतोय. तो म्हणजे स्वप्नील जोशी आणि तेजस्विनी पंडितचा ‘समांतर-२’, गेल्या वर्षभरापासून प्रेक्षक या शोची आतुरतेने वाट पाहत होते. १ जुलैला हा शो रिलीज झाला आहे. तेव्हा या वीकेण्डला तुम्ही संपूर्ण सिझन एकत्र पाहून संपवण्याचा विचार करत असाल तर हा अगदी उत्तम पर्याय आहे.

यासोबतच नेटफ्लिक्सवर तापसी पन्नूचा मर्डर मिस्ट्री सिनेमा ‘हसीन दिलरुबा’ २ जुलैला रिलीज झालाय. या सिनेमात तापसीसोबतच अभिनेता हर्षवर्धन राणे आणि विक्रांत मेस्सी मुख्य भूमिकेत आहेत. तर एखादा अ‍ॅक्शन हॉलिवूडपट पाहण्याचा तुमचा प्लॅन असेल तर ‘द टुमारो वॉर’ हा तुमच्यासाठी उत्तम पर्याय आहे.  टाइम ट्रॅव्हर आणि एलियन विरुध्दचं भविष्यात घडणारं युद्ध या सिनेमाची रंजकता वाढवणारं आहे. हा सिनेमा अ‍ॅमेझॉन प्राईमवर २ जुलैला रिलीज झाला असून हिंदीसह तेलगू आणि तामिळ या भारतीय भाषांमध्ये तो उपलब्ध आहे.

हे देखील वाचा: जेव्हा दंगल गर्ल फातिमा सना शेखसोबत आमिर खानचं नाव जोडलं गेलं होतं!

या वीकेण्डला चाहत्यांसाठी मनोरंजनाचा हा खजिना खुपच खास आहे. यात समांतर सारखी सस्पेंस आणि खिळवून ठेवणारी वेब सीरिज प्रेक्षकांची उत्कंठा वाढवणारी आहे. तर ‘हसीन दिलरुबा’ची मर्डर मिस्ट्री प्रेक्षकांना कोड्यात टाकणारी आहे.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 3, 2021 2:53 pm

Web Title: samantar 2 haseen dellruba the tomorrow war watch this movies and web show on this weekend kpw 89
Next Stories
1 व्हिडीओ रेकॉर्ड करून कलादिग्दर्शक राजू सापते यांची आत्महत्या
2 जेव्हा दंगल गर्ल फातिमा सना शेखसोबत आमिर खानचं नाव जोडलं गेलं होतं!
3 मंदिरा बेदीला ट्रोल करणाऱ्या यूजर्सवर भडकली सोना मोहपात्रा; म्हणाली, “मूर्खतेची सीमा पार केली..”
Just Now!
X