20 October 2020

News Flash

…अन् शशांक केतकरला लागली लॉटरी

वाचा नेमकं काय आहे प्रकरण...

शशांक केतकर

अभिनेता शशांक केतकर ‘गोष्ट एका पैठणीची” या चित्रपटात महत्वाच्या भूमिकेत दिसणार आहे. एका वेगळ्याच कामासाठी निर्माता अक्षय बर्दापूरकर यांची भेट घेण्यासाठी आलेल्या शशांकला चित्रपटाची संहिता ऐकण्याची संधी मिळाली आणि अपघातानं महत्त्वाची भूमिकाही मिळाली.

प्लॅनेट मराठी आणि गोल्डन रेच्शो फिल्म्स ‘गोष्ट एका पैठणीची” निर्मिती करत आहेत. अक्षय बर्दापूरकर निर्माते आहेत. शंतनू रोडे यांनी चित्रपटाचं लेखन आणि दिग्दर्शन केलं आहे. चित्रपटात सायली संजीव, सुव्रत जोशी दिसणार आहेत.

“‘गोष्ट एका पैठणीची” हा चित्रपट मला अक्षरशः अपघातानं मिळाला. अक्षय बर्दापूरकर यांच्यासह वेगळ्याच कामासाठी मीटिंग ठरली होती. त्यासाठी त्यांच्या ऑफिसमध्ये गेलो होतो. मात्र, काहीही माहीत नसताना मला चित्रपटाची संहिता ऐकण्यासाठी बोलवण्यात आलं आणि मीही जाऊन बसलो. संहितेचं वाचन झाल्यावर मला त्यात एका भूमिकेसाठी विचारणा झाली. संहिता आवडल्यानं नाही म्हणण्याचा प्रश्नच नव्हता. या चित्रपटामुळे उत्तम संहिता, जाणकार दिग्दर्शक, दमदार स्टारकास्ट अशी संधी मिळाली आहे,” असं शशांकनं सांगितलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 30, 2020 12:36 pm

Web Title: shashank ketkar accidentally got this lottery ssv 92
Next Stories
1 अनिल कपूर म्हणतात, ‘बदल घडवण्यासाठी एक माणूस पुरेसा आहे’!
2 आसावरीला अभिजीतपासून वेगळं करणार सोहम?
3 रोहिणी हट्टंगडी पुन्हा एकदा छोट्या पडद्यावर; ‘या’ मालिकेत साकारणार भूमिका
Just Now!
X