अभिनेता सुशांत सिंह राजूपत आत्महत्या प्रकरणाचा तपास सुरू असताना ड्रग्ज सेवन प्रकरण समोर आले. त्याची अंमली पदार्थ विरोधी पथकाद्वारे चौकशी सुरु आहे. या चौकशी दरम्यान अभिनेत्री दीपिका पदूकोणचे नाव समोर येताच चौकशीसाठी एनसीबीने समन्स पाठवले. त्यानंतर दीपिकावर अनेकांनी निशाणा साधला. अभिनेत्री शर्लिन चोप्राने देखील ट्विट करत दीपिकावर सुनावले आहे. 'जर तू मालाचे सेवन करत नाहीस, मग १२ वकीलांसोबत चर्चा करण्याची गरज का पडली? खरे बोलणाऱ्यांना पॅनिक किंवा एंग्झायटी अटॅक येत नाहीत. जेथे निडरता असते तिथे भय किंवा भीती यासारख्या गोष्टींना स्थान नसते' या आशयाचे ट्विट तिने केले आहे. यदि आप “माल” का सेवन नहीं करते हैं, तो 12 वकीलों के साथ सलाह मशविरा करने की ज़रूरत क्यों पड़ी??? सच बोलने वालों को panic या anxiety attacks नहीं होते हैं.. जहाँ निडरता हो, वहाँ डर या भय के लिए कोई जगह नहीं होती है.. — Sherni (@SherlynChopra) September 25, 2020 सुशांत मृत्यू प्रकरणात अभिनेत्री रिया चक्रवर्तीच्या चौकशीदरम्यान दीपिका पदूकोण, सारा अली खान, रकुल प्रीत सिंह, श्रद्धा कपूर, नम्रता शिरोडकर यांची नावे समोर आली होती. अमली पदार्थ विरोधी पथकाने (एनसीबी) बुधवारी अभिनेत्री दीपिका पदुकोण, श्रद्धा कपूर, सारा अली खान आणि रकुल प्रीत सिंह यांना समन्स बजावून चौकशीस हजर राहण्याची सूचना केली होती. त्यानुसार, आज शनिवारी (२६ सप्टेंबर) रोजी दीपिका, सारा आणि श्रद्धा या तिघींची एनसीबी चौकशी सुरु आहे. तसेच काल शुक्रवारी (२५ सप्टेंबर) रकुल प्रीत सिंह आणि दीपिकाची मॅनेजर करिश्मा प्रकाश यांची चौकशी करण्यात आली.