News Flash

करोना व्हायरसची दहशत संपल्यानंतर इंटिमेट सीन कसे शूट करणार? दिग्दर्शकाला पडला प्रश्न

शूजितच्या या प्रश्नावरून सोशल मीडियावर बरीच मतमतांतरे झाली.

दिग्दर्शक शूजित सरकार

करोना व्हायरसची लाट संपल्यानंतर पुन्हा शूटिंग सुरू झाल्यावर इंटिमेट सीन कसे शूट करणार असा प्रश्न दिग्दर्शक शूजित सरकारला पडला आहे. मिठी मारणे, किसिंग सीन करण्यास कलाकार तयार होतील का, असा प्रश्न त्याने इन्स्टाग्रामवर पोस्ट लिहित मांडला आहे.

‘पिंक’, ‘पिकू’, ‘मद्रास कॅफे’ यांसारख्या चित्रपटांचा दिग्दर्शक शूजितने इन्स्टाग्रामवरील पोस्टमध्ये लिहिलं, “हे सर्व संपल्यानंतर चित्रपटांमध्ये इंटिमेट सीन कसे शूट होतील हे पाहणं महत्त्वाचं ठरेल. विशेष करून किसिंग सीन व मिठी मारण्याचे सीन. हे सीन एकमेकांच्या जवळ येऊन शूट करतील की लांबूनच… किंवा काही वेळासाठी इंटिमेट सीन चिटींग करून शूट केले जातील?”

शूजितच्या या प्रश्नावरून सोशल मीडियावर बरीच मतमतांतरे झाली. अभिनेत्री दिया मिर्झानेही या चर्चेत सहभाग घेतला. तिने कमेंटमध्ये लिहिलं, “गुरू, चित्रपट बनवण्याची संपूर्ण प्रक्रियाच इंटिमेट आहे. एवढा मोठा चित्रपट बनवण्यासाठी किती लोक एकत्र येतात आणि काम करतात. तुम्ही इंटिमेट सीनचं बोलताय पण साधं शूटिंग करणं पण किती अवघड होईल ते पाहा. संपूर्ण कलाकार व क्रू मास्क आणि ग्लोव्ह्ज घालून असतील का? योग्य वेळ आल्यावरच कळेल.” शूटिंगसाठी अनेकजणांना एकत्र येऊन काम करावं लागतं. अशा वेळी फक्त इंटिमेट सीनच नव्हे तर संपूर्ण चित्रपटच कसा शूट करायचा हा प्रश्न निर्माण होतो, असं काहींनी म्हटलंय.

देशभरात करोनाग्रस्तांचा आकडा वाढत असताना महाराष्ट्रात आता ३० एप्रिलपर्यंत लॉकडाउन वाढवण्यात आला आहे. राज्यातील करोनाग्रस्तांची वाढती संख्या पाहून मुख्यमंत्री उद्धव ठाकरे यांनी हा निर्णय घेतला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 12, 2020 9:52 am

Web Title: shoojit sircar wonders how intimate scenes will be shot post covid 19 ssv 92
Next Stories
1 वरुण धवनच्या कुटुंबातील सदस्याला करोनाची लागण
2 “नमाज अदा करण्यासाठी परवानगी देणाऱ्या इमामांना तुरूंगात टाका”
3 करोनाने घेतला आणखी एका कलाकाराचा बळी; उपचारादरम्यान अभिनेत्रीचा मृत्यू
Just Now!
X