मदतकार्य पाहून भारावला विकास खन्ना; सोनू सूदसाठी तयार केली खास ‘मोगा डिश’

शेफ विकास खन्ना हे नाव साऱ्यांनाच परिचित आहे. सेलिब्रिटी शेफ म्हणून ओळखल्या जाणाऱ्या विकासने सोनू सूदचं मदतकार्य पाहून त्याच्यासाठी एक खास डिश केली आहे. विशेष म्हणजे त्याने या डिशला जे नाव दिलं आहे, त्या नावाचा आणि सोनूचा फार जवळचा संबंध आहे. विकासने या नव्या डिशचं नाव ‘मोगा’ असं ठेवलं आहे.

 

View this post on Instagram

 

Applauding for the true heroes. My first in the list is a dear friend @sonu_sood #GettingFamiliesHome So, yesterday I named a dish in honor of his birth place and called to MOGA. Jai Ho Veerji. #TrueHero Tandoori Masala Salmon-English Cucumber Salad-Coconut Garlic Foam.

A post shared by Vikas Khanna (@vikaskhannagroup) on May 21, 2020 at 12:57am PDT

‘मोगा’ हे सोनू सूदच्या गावाचं नाव असून ते पंजाबमध्ये आहे. ही नवीन डिश तयार करुन त्याविषयीची माहिती विकासने इन्स्टाग्रामवर दिली आहे.सोबतच सोनू सूदसाठी एक खास मेसेजही दिला आहे.

“प्रिय सोनू सूद. तू दररोज आम्हाला नवीन प्रेरणा देत आहेस. तुझं कौतूक करण्यासाठी मी कोणतीही नवीन रेसिपी करु शकत नाहीये. मात्र तुझ्यासाठी एक खास पदार्थ पाठवत आहे. या डिशचं नाव तुझ्या गावावरुन मोगा असं ठेवलं आहे”, असं कॅप्शन विकास खन्नाने या फोटोला दिलं आहे.

दरम्यान, विकास खन्नाची ही पोस्ट पाहिल्यानंतर सोनूनेदेखील लगेचच त्याला रिप्लाय देत ‘धन्यवाद’ म्हटलं आहे. सध्या सोनू विविध मार्गाने गरजुंसाठी मदत करत आहे. सोनूने अंधेरी, जुहू, जोगेश्वरी आणि वांद्रे येथील जवळपास ४५ हजार जणांना जेवण पुरविल्याचं म्हटलं जात आहे.