ट्विटर या सोशल मीडिया प्लॅटफॉर्मचा वापर करुन वारंवार वादग्रस्त विधानं करणाऱ्या कंगनावर ट्विटरने तात्पुरते निर्बंध आणले आहेत. यामुळे चिडलेल्या कंगनाने थेट धमकीच दिली असून तिच्याविरोधात भूमिका घेणाऱ्यांना तुमचं जगणं अवघड करणार असल्याचं तिनं म्हटलं आहे. Librus cried to their chacha @jack and got my account temporarily restricted, they are threatening me mera account/virtual identity kabhi bhi desh keliye shaheed ho sakti hai,magar my reloaded desh bhakt version will reappear through my movies.Tumhara jeena dushwar karke rahungi. — Kangana Ranaut (@KanganaTeam) January 20, 2021 सध्या ट्विटरने आपल्या धोरणांची कडक अंमलबजावणी करण्यास सुरुवात केली आहे. अमेरिकेच्या संसदेत झालेल्या हिंसाचारानंतर ट्विटरने डोनाल्ड ट्रम्प यांचे अकाउंटही बंद केले होते. तीच वेळ ट्विटरवरुन वारंवार वादग्रस्त विधानं करणाऱ्या कंगनावर ओढवली आहे. ट्विटरने तात्पुरते निर्बंध आणल्यानंतर कंगनाने ट्विटरचे सीईओ जॅक डोर्से यांच्यावर शरसंधान साधलं आहे. कंगनानं ट्विटरवर लिहिलं की, "लिबरल लोक आपले काका जॅक यांच्याकडे जाऊन रडत आहेत आणि माझ्या अकाउंटवर काही काळासाठी निर्बंध आणले आहेत. ते मला धमक्याही देत आहेत. ट्विटरवरच अकाउंट म्हणजेच माझी व्हर्चुअल ओळख देशासाठी शहीद होऊ शकते. मात्र, माझं रिलोडेड देशभक्तीचं व्हर्जन सिनेमांद्वारे पुन्हा पुन्हा परत येईल. याद्वारे 'तुमचं जगणंच मी अवघड बनवून ठेवेल'" Boom Evil has a new name- Rudraveer! an antagonist who is dangerous, deadly and cool at the same time! @SohamRockstrEnt's #Dhaakad in cinemas on 1st October 2021! @KanganaTeam @DeepakMukut @RazyGhai #sohelmaklai @divyadutta25 @castingchhabra @rajiv_gmenon @writish pic.twitter.com/Grjy7uO4FM — arjun rampal (@rampalarjun) January 19, 2021 कंगनाने नुकतेच तिच्या नव्या सिनेमाची घोषणा केली. या चित्रपटाचं नाव 'मणिकर्णिका रिटर्न्स : दि लिजेंड ऑफ दिद्दा' असं आहे. घोषणेपासूनच हा चित्रपट वादाच्या भोवऱ्यात अडकला आहे. एका लेखकाने चित्रपट निर्माते आणि कंगनावर आपलं पुस्तक 'दिद्दा : द वॉरियर क्वीन ऑफ काश्मीर' या पुस्तकावरुन कथा चोरल्याचा आरोप केला आहे. तर कंगना तेजस, धाकड आणि थलाइवी या इतर चित्रपटांतही दिसणार आहे. धाकडमध्ये कंगनासोबत अर्जुन रामपालही दिसणार आहे.