“भोजपुरी गाण्यांमधील अश्लिलता थांबवा”; रवी किशन यांची योगी आदित्यनाथ यांना विनंती

पीटीआयला दिलेल्या मुलाखतीत त्यांनी रवी किशन यांनी भोजपुरी सिनेसृष्टीवर भाष्य केलं. ते म्हणाले, “भोजपुरी भाषेला १००० वर्षांचा इतिहास आहे. देशभरातील जवळपास २५ कोटी लोकांची ही मातृभाषा आहे. पण या भाषेचा चित्रपटाच्या माध्यमातून वारंवार अपमान होत आहे. अश्लिलता रोखण्यासाठी भोजपुरी इंडस्ट्रीत देखील सेंसर बोर्ड यायला हवं. याबाबत मी लवकरच मुख्यमंत्री योगी आदित्यनाथ यांच्याशी चर्चा करणार आहे. या मुद्द्यावर मी संसदेत देखील आवाज उठवणार आहे.” असं आश्वासन रवी किशन यांनी दिलं.