‘केजीएफ चॅप्टर – १’ हा दाक्षिणात्य चित्रपटांमधील अतिशय लोकप्रिय आणि हिट चित्रपट आहे. या चित्रपटात सुपरस्टार यश मुख्य भूमिकेत आहे. आता या चित्रपटाचा सिक्वेल ‘केजीएफ चॅप्टर – २’ लवकरच प्रेक्षकांच्या भेटीला येणार आहे. या चित्रपटात बॉलिवूड अभिनेता संजय दत्त देखील भूमिका साकारणार आहे. पण करोनामुळे उद्भवलेल्या परिस्थितीमुळे या चित्रपटाचे चित्रीकरण थांबवण्यात आले होते. आता सर्व काही पूर्वपदावर येत असताना या चित्रपटाचे देखील चित्रीकरण सुरु झाले आहे. नुकताच यशने ट्विट करत ‘केजीएफ चॅप्टर – २’ चे चित्रीकरण पुन्हा सुरु झाले आहे याची माहिती दिली आहे. 'समुद्राच्या लाटा कधी थांबत नाहीत. मोठ्या ब्रेकनंतर आता पुन्हा चित्रीकरणास सुरुवात' असे यशने ट्विटमध्ये म्हटले आहे. Waves can't be stopped but you can learn to sail.. After a long break.. #Rocky sets sail from today. — Yash (@TheNameIsYash) October 8, 2020 बॉलिवूड अभिनेता संजय दत्त या चित्रपटातून दाक्षिणात्य चित्रपटसृष्टीमध्ये पदार्पण करत आहे. या चित्रपटात तो अधीरा हे पात्र साकारणार आहे. काही महिन्यांपूर्वी संजय दत्तने या आगामी चित्रपटाचा पोस्टर शेअर करुन याबाबत माहिती दिली होती. दुसरा भागाचा आवाका पहिल्या भागापेक्षाही अधिक मोठा असेल असे अभिनेता यशने सांगितले होते. हा चित्रपटही पहिल्या भागाप्रमाणेच हिंदी, तामिळ आणि कन्नड या तीन भाषांमध्ये प्रदर्शित होणार आहे.