दोन दिवसात ‘पीके’ची ५० कोटींची कमाई

मि.परफेक्टशनिस्ट आमिर खानच्या ‘पीके’ने केवळ दोन दिवसात ५० कोटींपेक्षाही अधिक गल्ला जमावला आहे.

मि.परफेक्टशनिस्ट आमिर खानच्या ‘पीके’ने केवळ दोन दिवसात ५० कोटींपेक्षाही अधिक गल्ला जमावला आहे. राजकुमार हिराणी दिग्दर्शित आणि विधू विनोद चोप्राची निर्मिती असलेला ‘पीके’ शुक्रवारी प्रदर्शित झाला. हिंदी चित्रपटसृष्टीच्या आर्थिक बाबींची जाण असलेल्या गिरीश जोहर यांनी ‘पीके’ने ५० कोटींपेक्षाही अधिक गल्ला जमावला असल्याचे ट्विट केले आहे. तसेच, ‘पीके’ हा या वर्षातील चौथा चित्रपट आहे ज्याने दोन दिवसात तिकीट बारीवर ५० कोटींपेक्षाही अधिक कमाई केली.
पहिल्याच दिवशी ‘पीके’ने  २६ कोटींच्यावर कमाई केली होती. दोन दिवसात या चित्रपटाने जवळपास ५५ कोटी कमावले असल्याचे मल्टिमिडीया कम्बाइन्सचे राजेश थाडानी यांनी सांगितले. या चित्रपटाची सर्वच स्तरातून वाहवा केली जात असून चित्रपट समीक्षकांनीही प्रशंसा केली आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Aamir khans pk crosses rs 50 cr in two days