विश्वास पाटील यांच्या ‘चंद्रमुखी’ या कादंबरीवर आधारित ‘चंद्रमुखी’ हा चित्रपट लवकरच प्रेक्षकांच्या भेटीला येणार आहे. चंद्रमुखी या चित्रपटातील गाणी, पोस्टर, ट्रेलर, टिझर सर्वत्र चर्चेचा विषय ठरत आहेत. सध्या या चित्रपटाची सर्वत्र चर्चा सुरु आहे. या चित्रपटात दिलखेचक अदांनी सर्वांना घायाळ करणाऱ्या नृत्यांगणेची प्रमुख भूमिका अभिनेत्री अमृता खानविलकर साकारत आहे. तर दौलत देशमानेच्या भूमिकेत आदिनाथ कोठारे दिसणार आहे. येत्या २९ एप्रिलला हा चित्रपट प्रदर्शित होणार असला तरी आतापासूनच अनेक कलाकार त्याचे कौतुक करताना दिसत आहे. नुकतंच अभिनेता रितेश देशमुख याने ‘चंद्रमुखी’साठी एक खास पोस्ट शेअर केली आहे.
अभिनेता रितेश देशमुख हा सोशल मीडियावर कायमच सक्रीय असतो. नुकतंच रितेशने ट्विटरवर एक पोस्ट शेअर केली आहे. या पोस्टमध्ये त्याने चंद्रमुखी चित्रपटाच्या ट्रेलरची लिंक शेअर केली आहे. याला कॅप्शन देताना रितेशने या चित्रपटासह संपूर्ण टीमचे कौतुक केले आहे.
VIDEO : ‘चंद्रमुखी’चा हटके अंदाज, अमृता खानविलकरने चक्क पुणे मेट्रोत धरला ‘चंद्रा’वर ठेका
“विश्वास पाटील यांच्या कादंबरीवर आधारित एक भव्य मराठी संगीतावर चंद्रमुखी चित्रपटाची निर्मिती झाली आहे. अजय अतुल यांची जोडी, प्रसाद ओक, अमृता खानविलकर, आदिनाथ कोठारे यांसारखे उत्कृष्ट कलाकारांनी साकारलेली ‘चंद्रमुखी’ तुमचे मन जिंकण्यासाठी येत आहे”, असे रितेशने या पोस्टसोबत म्हटले आहे. त्याची ही पोस्ट सध्या चांगलीच चर्चेत आहे.
विशेष म्हणजे रितेश देशमुखच्या या पोस्टवर अमृता खानविलकरनेही कमेंट केली आहे. ‘लय भारी सुपरस्टारची ही एक सुंदर प्रतिक्रिया आहे…मनापासून धन्यवाद’, असे अमृता खानविलकरने म्हटले आहे.
“करवटें बदलते रहें सारी रात, कोणामुळे ते विचारु नका…”; प्राजक्ता माळीची हटके पोस्ट चर्चेत
‘चंद्रमुखी’ हा चित्रपट लेखक विश्वास पाटील यांच्या ‘चंद्रमुखी’ या कांदबरीवर आधारित आहे. या चित्रपटाचे दिग्दर्शन प्रसाद ओक यांनी केले आहे. तर पटकथा-संवाद चिन्मय मांडलेकर यांचे आहेत. या चित्रपटात दमदार दौलतच्या भूमिकेत आदिनाथ कोठारे दिसणार आहे. तर चंद्राच्या भूमिकेत अमृता खानविलकर प्रेक्षकांच्या भेटीला येणार आहे. या चित्रपटाला अजय -अतुल यांचे जबरदस्त संगीत लाभले आहे. दरम्यान ‘चंद्रमुखी’ हा चित्रपट येत्या २९ एप्रिल रोजी प्रेक्षकांच्या भेटीला येणार आहे
