अभिनेता अक्षय कुमार गेल्या काही दिवसांपासून त्याचा आगामी ‘राम सेतू’ या सिनेमामुळे चांगलाच चर्चेत आहे. या सिनेमाच्या शूटिंगचा श्रीगणेशा करण्यासाठी अक्षय कुमार अयोध्येला रवाना झालाय. अक्षय कुमारसोबतच अभिनेत्री जॅकलिन फर्नांडिस, नुसरत भरुचा या दोघीदेखील अयोध्येला गेल्या आहेत.

‘राम सेतू’ सिनेमाच्या मुहूर्त शॉटसाठी अक्षयने त्याच्या टीमसह अयोध्या गाठली आहे. सोशल मीडियावरुन अक्षयने एक फोटो शेअर करत चाहत्यांना ही माहिती दिली आहे. “स्पेशल फिल्म.. स्पेशल सुरुवात.. राम सेतू सिनेमाची टीम मूहर्त शॉर्टसाठी आयोध्येला रवाना झाली आहे. आणि प्रवास सुरू झालाय. तुम्हा सर्वांच्या आशिर्वादाची गरज आहे.” असं ट्विट अक्षयने केलं आहे. जॅकलिन, नुसरत सोबतचा विमानप्रवासा दरम्यानचा फोटो त्याने शेअर केला आहे.

अभिषेक शर्मा या सिनेमाचं दिग्दर्शन करणार आहेत. या सिनेमाचं 80 टक्के शूटिंग मुंबईमध्ये होणार असल्याचं त्यांनी सांगितलं आहे. या सिनेमात अक्षयचा लूक काहीसा वेगळाच असणार आहे असंही ते म्हणाले. अक्षयची भूमिका ही एका पुरातत्व शास्त्रज्ञाची असून त्याचा लूकही त्यानुसार केलेला आहे. चाहते त्याला या लूकमध्ये बघून खूश होतील असं दिग्दर्शकांनी सांगितलं.

या सिनेमाबद्दल सांगताना अक्षय  म्हणाला, “राम सेतूच्या कथेने मला नेहमीच अचंबित केलंय, प्रेरणा दिली आहे. राम सेतू हा भूतकाळातील, वर्तमानातील आणि भविष्यातील पिढ्यांमधील दुवा आहे.”

या चित्रपटात जॅकलीन फर्नांडिस, नुसरत भरुचा या दोघी महत्त्वाच्या भूमिकेत दिसणार आहेत. परंतु, त्यांचे लूक्स अद्याप गुलदस्त्यात आहेत. फभारतीय संस्कृती आणि परंपरा, भारताचं प्राचीन काळातलं महत्त्व, भारताचा समृद्ध वारसा यावर भाष्य करणारा हा सिनेमा असणार आहे.