Andhera Web Series Release Date : जर तुम्हाला हॉरर चित्रपट किंवा वेब सीरिज पाहण्याची आवड असेल, तर तुम्हाला हेदेखील माहित असेल की, चित्रपटांप्रमाणेच काही वेब सीरिज पाहतानाही इतकी भीती वाटते की, ते प्रसंग एकट्याने पाहण्याची हिंमतच होत नाही.
अशीच एक भयानक नवीन हॉरर वेब सीरिज येत आहे. ‘अंधेरा’, असे तिचे नाव आहे, ज्यामध्ये सुरवीन चावला, प्राजक्ता कोळी, वत्सल सेठ व प्रिया बापट यांसारखे कलाकार आहेत. ही सीरिज या महिन्यात ओटीटीवर प्रदर्शित होणार आहे.
प्रेक्षक नेहमीच नवनवीन संकल्पना, वेगळ्या पद्धतीने मांडलेली कथा आणि हटके मांडणी असलेल्या कलाकृतींची वाट पाहत असतात. सध्या अशीच एक ‘अंधेरा’ नाव असलेली वेब सीरिज चर्चेत आहे. विशेष म्हणजे या हिंदी सीरिजमध्ये दोन मराठमोळ्या अभिनत्री झळकल्यात. प्रिया बापट आणि प्राजक्ता कोळी यांची ‘अंधेरा’ ही थरारक वेब सीरिज प्रेक्षकांच्या भेटीला येत आहे. ही वेब सीरिज कधी आणि कुठे पाहता येणार, याबाबत जाणून घेऊया.
‘अंधेरा’ वेब सीरिज ओटीटीवर कधी प्रदर्शित होणार?
ही वेब सीरिज गौरव देसाई, राघव दार, चिंतन सारडा व करण अंशुमन यांनी लिहिली आहे. तर राघव दार यांनी दिग्दर्शित केली आहे. ही सीरिज येत्या १४ ऑगस्टपासून अमेझॉन प्राइम व्हिडीओवर स्ट्रीम होणार आहे.
फरहान अख्तरच्या प्रॉडक्शन हाऊसनं ‘अंधेरा’ ही नवी हॉरर वेब सीरिज तयार केली आहे. या सीरिजमध्ये प्रिया बापट व प्राजक्ता कोळी यांच्यासह करणवीर मल्होत्रा व सुरवीन चावला हे लोकप्रिय चेहरेही झळकणार आहेत. ‘अंधेरा’ वेब सीरिजचं पोस्टर समोर आल्यानंतर चाहत्यांमध्ये मोठी उत्सुकता निर्माण झाली आहे.
प्रिया बापट व प्राजक्ता कोळी यांच्या या नव्या ‘अंधेरा’ वेब सीरिजचे आठ भाग असणार आहेत. प्रत्येक भागात वेगळी उत्कंठा आणि ट्विस्ट पाहायला मिळतील. भयपट चित्रपट आणि वेब सीरिजच्या चाहत्यांचा एक मोठा वर्ग आहे. काही लोकांना भीतीदायक आणि रोमांचक अनुभव घेणे आवडते. तर काहींना खूपच भीती वाटते. ज्यांना हॉरर वेब सीरिज आवडतात, त्यांनी ‘अंधेरा’ ही सीरिज नक्की पाहावी.
