‘पार्ट्या आणि पैसा…’ अंकितानं सांगितलं विकी जैनशी लग्न करण्याचं धक्कादायक कारण

लग्नानंतर ‘इंडिया टुडे’ला दिलेल्या मुलाखतीत अंकिता म्हणाली, ‘मी विकी जैनशी लग्न केलं कारण, मी पार्ट्या करू शकेन, तुम्हाला माहितच असेल की लग्नानंतर आम्ही तीन दिवस पार्टी केली होती. आम्हाला फक्त पैसा खर्च करायचा आहे.’ याच मुलाखतीत अंकितानं लग्नानंतर ३ दिवस चाललेल्या त्यांच्या पार्टीचा खुलासा केला.

लग्नानंतर विकी जैननं पत्नी अंकिता लोखंडेला मालदीवमध्ये एक अलिशान व्हिला भेट म्हणून दिला आहे. ज्याची किंमत ५० कोटींपेक्षाही जास्त असल्याचं बोललं जातं. एवढंच नाही तर विकी आणि अंकिता यांनी अलिकडेच त्यांचं नवीन घरही विकत घेतलं आहे. याशिवाय त्यांनी एक खासगी यॉट खरेदी केली आहे ज्याची किंमत ८ कोटी रुपये एवढी आहे.

अंकिता लोखंडे तिच्या लग्नाबाबत नेहमीच उत्साहीत होती. तिनं लग्नाआधीच्या अनेक मुलाखतींमध्ये ग्रँड वेडिंग प्लान सांगितला होता. जेव्हा अंकिता आणि विकी यांच्या लग्नाचे फोटो सोशल मीडियावर व्हायरल झाले तेव्हा त्याची सोशल मीडियावर जोरदार चर्चा झाली होती. त्यांच्या या शाही विवाहसोहळ्या बॉलिवूड सेलिब्रेटींनीही हजेरी लावली होती.