AR Rahman Daughter Engagement: खतीजाने शेअर केला फोटो; पाहा कोण आहे एआर रहमानचा होणारा जावई

खतीजाने हा फोटो शेअर करताना एक सविस्तर कॅप्शन दिलीय. ऑडिओ इंजीनियर असणाऱ्या रियासदीन शेख मोहम्मदसोबत साखरपुडा झाल्याचं सांगताना मला फार आनंद होत आहे. २९ डिसेंबर रोजी माझा साखरपुडा (ऐंगेजमेंट) जवळचे कुटुंबिय आणि प्रिय व्यक्तींच्या उपस्थितीत पार पडला.

ए. आर. रहमान आणि त्याची पत्नी सायरा बानो यांना एकूण तीन मुलं आहे. खतीजा, रहीमा आणि ए. आर. अमीन. खतीजाने काही तमिळ चित्रपटांमध्ये गाणी गायली आहेत. त्यांनी रजनीकांत यांच्यावर चित्रित करण्यात आलेल्या एंथीरन के पुडिया मनिधा या गाण्यापासून आपला संगीत क्षेत्रातील प्रवास सुरु केला. खतीता आणि रियासदीन यांचं लग्न कधी आणि कुठे होणार आहे याची माहिती लवकरच देण्यात येणार असल्याचं समजतं.

दोन वर्षापूर्वी ए. आर. रहमान यांची सर्वात थोरली मुलगी असणाऱ्या खतीजाने हिजाब घालण्याच्या मुद्द्यावरुन झालेल्या वादावर प्रतिक्रिया दिली होती. माझ्या मुलीने गाणं गायला आणि त्यासाठी तिला फार प्रेम मिळालं. माझ्या मुलांचं संगोपन अशापद्दतीने झालं आहे की त्यांना चांगलं आणि वाईट यामधील फरक समजतो. त्यांना जे योग्य वाटतं ते करण्यासाठी त्यांना स्वातंत्र्य देण्यात आलेलं आहे. खतीजाचा हिजाब घालण्याचा निर्णय हा केवळ एका धार्मिक परंपरेशी जोडलेले मुद्दा आहे. तिला हिजाब घालायला आवडतो आणि म्हणून ती तो वापरते. तिने कोणते कपडे वापरावेत हा तिचा निर्णय आहे. मी या टीकेवरुन कोणाबद्दलही मनामध्ये द्वेष ठेवलेला नाही, असं ए. आर. रेहमान म्हणाला होता.