scorecardresearch

Premium

“मला त्या गोष्टीची लाज वाटते…,” मनोज बाजपेयी यांचा लेकीच्या हिंदी बोलण्याबाबत मोठा खुलासा, म्हणाले…

मनोज बाजपेयी यांची हिंदी भाषेवर मजबूत पकड आहे. पण तसं जरी असलं तरी त्यांच्या मुलीच्या अजिबात हिंदी बोलता येत नाही.

manoj-bajpayee-with-family-1200

अभिनेते मनोज बाजपेयी हे बॉलीवूडमधील बहुआयामी अभिनेते आहेत. आतापर्यंत अनेक विविध विषयांवरील चित्रपटांतून त्यांनी उत्तमोत्तम भूमिका साकारल्या आहेत. त्यांची हिंदी भाषेवरही मजबूत पकड आहे. सध्या ते त्यांच्या ‘एक बंदा काफी है’ या चित्रपटामुळे चांगलेच चर्चेत आहेत. त्यांच्या हिंदी बोलण्याचं अनेकदा कौतुक केलं जात असलं तरीही त्यांच्या मुलीला अजिबात हिंदी बोलता येत नाही, असा खुलासा त्यांनी एका मुलाखतीत केला आहे.

ते म्हणाले, “माझी मुलगी पूर्णपणे अंग्रेज आहे. मी तिच्यावर कितीही रागावलो तरीही ती हिंदी बोलत नाही. माझे चित्रपट बघून ते हिंदी शिकेल असं मला वाटलं होतं पण तिला माझे चित्रपट बघायलाही आवडत नाहीत. एकदा मी तिला ‘बागी २’ च्या सेटवर घेऊन गेलो होतो. तिथे सर्वांनी तिचे भरपूर लाड केले. एकदा तर तिने ॲक्शनही म्हटलं. नंतर ती माझ्या व्हॅनिटी व्हॅनमध्ये आली आणि तिने मला विचारलं की टायगर कुठे आहे? ती हिंदी शिकत नाही पण हिंदी चित्रपटातील अभिनेते तिच्या आवडीचे आहेत.”

abhidnya bhave shared swami samarth experience
नवऱ्याच्या आजारपणात अभिज्ञा भावेला ‘अशी’ आली स्वामींची प्रचिती; अनुभव सांगत म्हणाली, “तेव्हा माझ्या डोळ्यात…”
donald trump
“डोनाल्ड ट्रम्प यांचा मृत्यू झालाय”, माजी राष्ट्राध्यक्षांच्या मुलाच्या ट्वीटनंतर खळबळ, नेमकं प्रकरण काय?
farah khan reacts to troll who criticised her
“गणपतीसमोर चपला घालू नकोस…”, ट्रोलरच्या कमेंटला उत्तर देत फराह खान म्हणाली…
What Udaynidhi Stalin Said?
उदयनिधी स्टॅलिन यांचा भाजपाला सवाल, “हाच का तुमचा सनातन धर्म? राष्ट्रपती विधवा आहेत म्हणून..”

आणखी वाचा : “त्या धर्माविषयी खूप…,” निक जोनासने पहिल्यांदाच त्याच्या व पत्नी प्रियांका चोप्राच्या धर्माबाबत केलं भाष्य

पुढे ते म्हणाले, “तिच्या हिंदी न बोलण्यामुळे शिक्षकही निराश झाले आहेत. यावरून अनेकदा शिक्षक तिला ओरडले आहेत. पालकसभेत देखील त्यांनी याबद्दल तक्रार केली आहे. एकदा त्यांनी तिला विचारलं की, तुझ्या वडिलांचे नाव काय? तर ती म्हणाली, मेरा पापा… तिचं हे बोलणं ऐकून मला अक्षरशः लाज वाटली.”

हेही वाचा : Video: “तू असं करायला नको होतंस…” लहान मुलीशी केलेल्या ‘त्या’ वागणुकीमुळे तब्बूवर नेटकरी नाराज

मनोज बाजपेयी यांचं हे बोलणं सध्या खूप चर्चेत आलं आहे. त्यांच्या या बोलण्याने अनेकांच्या भुवया उंचावल्या आहेत. तर नेटकरी सोशल मीडिया वरून यावर विविध प्रतिक्रिया देत आहेत.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 29-05-2023 at 11:17 IST

संबंधित बातम्या

गणेश उत्सव २०२३ ×