शर्मिला टागोर यांनी केली त्यांच्या ‘आराधना’ चित्रपटाची ‘RRR’शी तुलना; म्हणाल्या, “त्या काळी…”

अलीकडेच त्या दिल्लीत झालेल्या ‘ब्रेकिंग द बाउंडरीज : ॲन ॲक्सिडेंटल ॲक्टर टू ॲन आयडॉल’ या कार्यक्रमाला हजर होत्या. यातील एका सत्रात त्यांची मुलाखत घेण्यात आली. या वेळी त्यांनी १९६७ मध्ये ‘ॲन इव्हनिंग इन पॅरिस’ या चित्रपटानंतर अर्थपूर्ण चित्रपट करायला का सुरुवात केली हे सांगितले. याचबरोबर शर्मिला यांनी ‘आराधना’च्या प्रदर्शनाच्या वेळी चेन्नईत हिंदीविरोधी आंदोलन सुरू झाल्याच्या आठवणींनाही उजाळा दिला.

आणखी वाचा : “मी तुझं मत विचारलेलं नाही…” भर मुलाखतीत शर्मिला टागोर व नात सारा आली खान यांच्यात वाद

शर्मिला टागोर म्हणाल्या, “जेव्हा १९६९ मध्ये ‘आराधना’ प्रदर्शित झाला तेव्हा चेन्नईत हिंदीच्या विरोधात खूप आंदोलने झाली होती. त्या वेळी हिंदी भाषेवर बहिष्कार टाकण्याचा प्रकार घडला होता. तरीही ‘आराधना’ चित्रपटगृहांत ५० आठवडे चालला. हा आमच्या काळातील ‘RRR’ चित्रपट होता. भावना भाषेच्या पलीकडे जातात हे यातून दिसून येते. आमचे चित्रपट, ते कोणत्याही क्षेत्रातून आले असले तरी, लोकांना हसवतात आणि रडवतात. त्यामुळे आमच्यातील समानता आमच्यातील फरकांपेक्षा जास्त आहे.”

हेही वाचा : “परिधान करण्यासाठी माझ्याजवळ कपडेही नव्हते…” प्रेमात आकंठ बुडालेल्या शर्मिला टागोर यांनी केली होती ‘ही’ गोष्ट, खुलासा चर्चेत

शर्मिला टागोर यांचं हे बोलणं खूप चर्चेत आलं आहे. त्यांच्या या बोलण्यावर नेटकरी सोशल मीडियावर विविध प्रतिक्रिया देत आहेत.