बिग बी अमिताभ बच्चन गेल्या अनेक दिवसांपासून आरोग्याशी संबंधित समस्यांना तोंड देत आहेत. 'प्रोजेक्ट के' चित्रपटाच्या शूटिंगदरम्यान त्याच्या बरगड्यांना खूप दुखापत झाली होती. त्यानंतर त्यांच्यावर उपचार सुरू असून सध्या ते विश्रांती घेत आहेत. पण अलीकडे आणखी एका वेदनादायक समस्येने बिग बींना वेढले आहे. याचा उल्लेख खुद्द अमिताभ बच्चन यांनी त्यांच्या नुकत्याच एका ब्लॉगमध्ये केला आहे. अमिताभ बच्चन सध्या ज्या आरोग्याशी संबंधित समस्येला तोंड देत आहेत याच त्रासाने अनेक लोक ग्रासले आहे. यात थोड्य़ाशाही निष्काळजीपणाने खूप त्रास होतो हेही वाचा- मंदिरात गेल्याने ट्रोल करणाऱ्यांना सारा अली खानचं चोख प्रत्युत्तर; म्हणाली “माझ्या वैयक्तिक गोष्टींबद्दल…” १९ मार्च रोजी अमिताभ बच्चन यांनी त्यांच्या ब्लॉगद्वारे माहिती दिली की, बरगड्यांमध्ये दुखणे सुरूच आहे, परंतु पायाच्या बोटांच्या समस्येमुळे बरगड्यांपेक्षा जास्त त्रास होत आहे. ब्लॉगमध्ये, त्यांनी लिहिले की, “तेथे फक्त कॉलसच नाही तर त्याखाली एक फोडही आला आहे. ज्यामुळे त्रास आणखी वाढला आहे.” आपल्या त्रासाबद्दल बोलताना अमिताभ बच्चन यांनी लिहिले की, “यासाठी कोमट पाण्यात पाय बुडवले, पण तो उपायही कुचकामी ठरला. एवढा भयानक त्रास मी माझ्या आयुष्यात कधीच पाहिला नव्हता. असं बच्चन यांनी ब्लॉगमध्ये लिहिलं आहे. https://www.instagram.com/p/CpWliV3obzP/?utm_source=ig_embed&utm_campaign=loading हेही वाचा- “खलिस्तानींना पाठिंबा देणाऱ्यांनी लक्षात ठेवा” कंगना रणौतने दिलेल्या ‘त्या’ इशाऱ्यावर प्रसिद्ध गायकाचं उत्तर, म्हणाला “माझं पंजाब…” कॉलस म्हणजे काय? कॉर्न आणि कॉलस हा त्वचेचा एक पॅच आहे जो शरीरावर कुठेही वाढू शकतो. परंतु बहुतेक प्रकरणांमध्ये ते केवळ पायाच्या तळावरच दिसून येते. कधी तो खडबडीत पॅच असतो तर कधी ढेकूणासारखा असतो. सामान्य भाषेत याला नखे किंवा गाठ असेही म्हणतात. सहसा ते वेदनाविरहित असतात परंतु जर संसर्ग झाला असेल तर ते खूप त्रासदायक ठरतात
