दिलजीत दोसांझने एपी ढिल्लनच्या आरोपांना दिले उत्तर; ब्लॉक प्रकरणावर स्पष्टीकरण देत गायक म्हणाला, “माझे सरकारशी…”

दिलजीतच्या ‘दिल-ल्यूमिनाटी इंडिया टूर’ च्या इंदोर कॉन्सर्टमध्ये दिलजीतने सांगितले, “माझ्या दोन भावांनी टूर सुरू केला आहे, करन औजला आणि एपी ढिल्लन. त्यांना शुभेच्छा!”

हेही वाचा…शाहरुख खानला ‘या’ नावाने चिडवायचे इतर अभिनेते, अभिजीत भट्टाचार्य यांनी केला खुलासा; म्हणाले, “दुबईतील पुरस्कार सोहळ्यात…”

मात्र, चंदीगडमधील शोमध्ये एपी शोमध्ये ढिल्लनने त्याच्यात आणि दिलजीतमध्ये अप्रत्यक्षपणे वाद असल्याचे सूचित केले. तो म्हणाला, “भाऊ, एक छोटी गोष्ट सांगायची आहे, आधी मला इन्स्टाग्रामवर अनब्लॉक कर, मग बोल.बाकी काय मार्केटिंग होत आहे हे मला माहिती नाही. पण मी तीन वर्षांपासून मेहनत करत आहे. तुम्ही कधी मला कोणत्याही वादात अडकताना पाहिले आहे का?”

दिलजीत दोसांजने इन्स्टाग्रामवर त्वरित उत्तर दिले. त्याने पंजाबीमध्ये लिहिले, “मी तुला कधीच ब्लॉक केले नाही.माझे सरकारशी पंगे होऊ शकतात, कलाकारांशी नाही.” एपी ढिल्लनने दिलजीतने त्याला ब्लॉक केल्यावरचा एक व्हिडीओ आणि ब्लॉक लिस्टमधून काढल्यानंतरचा एक व्हिडीओ सोशल मीडियावर पोस्ट केले आहेत. त्यानंतर एपी ढिल्लनने त्याची बाजू मांडण्यासाठी एक स्टोरी इन्स्टाग्रामवर टाकली आहे.

हेही वाचा…पंकज त्रिपाठी दशावतार लोककला कोकणातल्या ‘या’ गावी शिकले; अनुभव सांगत म्हणाले, “मुंबईत येण्याआधी नशिबाने…”

दिलजीतचा ‘दिल-ल्यूमिनाटी इंडिया टूर’हा दौरा २९ डिसेंबर २०२४ ला संपणार आहे. त्याच्या हा दौरा काहीसा वादग्रस्त ठरला. तेलंगणामध्ये दिलजीतला गाण्यात मद्य, ड्रग्स किंवा हिंसेला प्रोत्साहन देणाऱ्या गाण्यांवर बंदी घालण्याचे आदेश देण्यात आले होते. त्याचप्रमाणे, चंदीगडमधील त्याच्या कार्यक्रमासाठी आवाज मर्यादा उल्लंघनाबद्दल आयोजकांना नोटीस मिळाली. चंदीगड इव्हेंटदरम्यान दिलजीतने भारतातील कॉन्सर्टच्या सोयीसुविधांवर नाराजी व्यक्त केली आणि म्हणाला, “योग्य सुविधा नसतील, तर मी पुन्हा देशात परफॉर्म करणार नाही.” दरम्यान, एपी ढिल्लनने चंदीगडमध्ये ‘द ब्राउनप्रिंट टूर’संपवला. याआधी त्याने नवी दिल्ली आणि मुंबईतही परफॉर्म केले होते.