scorecardresearch

Premium

मिचौंग चक्रीवादळामुळे चेन्नईत अडकलेला आमिर खान, दाक्षिणात्य अभिनेत्याने शेअर केले बचावकार्याचे फोटो

Cyclone Michaung: बॉलीवूड अभिनेता आमिर खान चेन्नईत का आहे?

bollywood actor Aamir Khan and Vishnu Vishal rescued from floods in Chennai: ‘Thanks to the fire and rescue department
Cyclone Michaung: बॉलीवूड अभिनेता आमिर खान चेन्नईत का आहे?

पश्चिम मध्य बंगालच्या उपसागरात तयार झालेल्या मिचौंग चक्रीवादळाने तामिळनाडूत धुमाकूळ घातला आहे. यामुळे संपूर्ण जनजीवन विस्कळीत झाले आहे. चेन्नईत जोरदार पाऊस पडत असून सततच्या पावसामुळे मोठ्या प्रमाणात ठिकठिकाणी पाणी साचलं आहे. चेन्नईतील अनेक रस्ते पाण्याखाली गेले आहेत. सोशल मीडियावर पूरग्रस्त रस्त्यांचे व्हिडीओ क्लिप व्हायरल झाले आहेत. या चक्रीवादळामुळे सर्वसामान्यांसह दाक्षिणात्य इंडस्ट्रीतील कलाकारांना अनेक अडचणींचा सामना करावा लागत आहे. अशातच आता एक मोठी बातमी समोर आली आहे. बॉलीवूडचा प्रसिद्ध अभिनेता आमिर खान या वादळातून सुखरुप बाहेर पडल्याचं समोर आलं आहे.

अभिनेता विष्णु विशालने काही तासांपूर्वी एक्सवर (ट्वीट) पोस्ट केली आहे. यामधील फोटोंमध्ये बचाव पथकाबरोबर विष्णु विशाल आणि आमिर खान पाहायला मिळत आहे. ही पोस्ट करत विष्णुने अग्निशमन आणि बचाव पथकाचे आभार व्यक्त केले आहेत. माहितीनुसार, आमिर खान गेल्या काही महिन्यांपासून चेन्नईत आहे. त्याची आई झीनत हुसैन यांच्यावर चेन्नईत उपचार सुरू आहेत. काही महिन्यापूर्वी त्यांना हृदयविकाराचा झटका आला होता, त्यावेळी त्यांना चेन्नईतील रुग्णालयात दाखल करण्यात आले होते.

Actor Ranveer Singh, cricket, Alibaug
अभिनेता रणवीर सिंह अलिबाग मध्ये क्रिकेट खेळण्यात रमला….
Drunken youths on Vetal Hill Audiocast by actor Ramesh Pardeshi
वेताळ टेकडीवर नशेबाज युवक- युवती; अभिनेते रमेश परदेशींकडून ध्वनिचित्रफीत प्रसारित
bhumi pednekar
भूमीला आईकडून मिळतं सोन्याचं नाणं…
yavatmal aarchi tigress marathi news, tipeshwar wildlife sanctuary marathi news, aarchi tigress yavatmal marathi news
VIDEO : ‘आर्ची’ कुटुंबकबिल्यासह दिसताच पर्यटक सैराट, टिपेश्वरच्या जंगलात झिंग झिंग झिंगाट!!!

हेही वाचा – ‘ठरलं तर मग’च्या सेटवर आहे इच्छाधारी नागिन, अभिनेत्री जुई गडकरी इन्स्टाग्राम स्टोरी शेअर करत म्हणाली…

याआधी अभिनेता विष्णु विशालने घराच्या आजूबाजूला झालेल्या परिस्थितीचे फोटो शेअर केले होते. या फोटोमध्ये विष्णुच्या घराबाहेर फक्त पाणी साचलेलं दिसत आहे. झाडं उन्मळून पडलेली पाहायला मिळत आहेत. हे फोटो शेअर करत त्याने लिहिलं होतं की, माझ्या घरात पाणी शिरलं असून त्याची पातळी वेगाने वाढत आहे. मी मदतीसाठी विनंती केली आहे. वीज नाही, वाय-फाय नाही, फोनला सिग्नल नाही, काहीच नाही. गच्चीवरील एक विशिष्ट ठिकाण आहे, तिथे उभं राहिल्यावर मोबाइलला थोडा सिग्नल येत आहे. मला आणि इथे राहणाऱ्या इतरांना मदत मिळेल, अशी आशा आहे. मी चेन्नईच्या लोकांच्या वेदना समजू शकतो.

हेही वाचा – Video: ‘आमच्या पप्पांनी गणपती आणला…’, क्रांती रेडकरच्या मुलींनी रात्री १ वाजता गायलं गाणं, व्हिडीओ व्हायरल

दरम्यान, चेन्नईमधील या परिस्थितीचा सामना करण्यासाठी दक्षिणेतील अनेक कलाकार लोकांच्या मदतीसाठी पुढे सरसावले आहेत. कलाकारांनी १० लाख रुपयांची मदत केल्याचं वृत्त समोर आलं आहे.

Latest Comment
View All Comments
Post Comment

मराठीतील सर्व बॉलीवूड बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Bollywood actor aamir khan and vishnu vishal rescued from floods in chennai thanks to the fire and rescue department pps

First published on: 05-12-2023 at 18:30 IST

संबंधित बातम्या

तुम्ही या बातम्या वाचल्या आहेत का? ×