‘धूम’ चित्रपटाचे दिग्दर्शक संजय गढवी यांचे निधन

मिळालेल्या माहितीनुसार, संजय गढवी हे नेहमीप्रमाणे अंधेरीतील लोखंडवाला परिसरात मॉर्निंग वॉकसाठी गेले होते. त्याचवेळी त्यांच्या छातीत अचानक वेदना सुरू झाल्या. त्यांना प्रचंड घाम फुटला. यानंतर त्यांना तातडीने कोकिलाबेन अंबानी रुग्णालयात दाखल करण्यात आलं. पण तेथे डॉक्टरांनी त्यांना मृत घोषित केले.
आणखी वाचा : वैभव मांगले आणि संतोष पवार यांचं नवीन नाटक लवकरच रंगभूमीवर ‘मर्डरवाले कुलकर्णी’

संजय गढवी यांच्या निधनाने त्यांच्या संपूर्ण कुटुंबाला मोठा धक्का बसला आहे. त्यांच्या जाण्याने संपूर्ण बॉलिवूडवर शोककळा पसरली आहे. संजय यांच्या पार्थिवावर संध्याकाळी उशिरा अंत्यसंस्कार करण्यात येणार आहे.

आणखी वाचा : “बहिणीची काळजी घे…”, अभिषेक देशमुखने कानपिळीदरम्यान प्रसादला बजावले, उत्तर देताना अभिनेता म्हणाला “तू जितकी…”

दरम्यान, संजय गढवी यांनी यशराज फिल्म्सच्या सहकार्याने ‘धूम १’ आणि ‘धूम २’ या चित्रपटाचे दिग्दर्शन केले. या चित्रपटात जॉन अब्राहम, अभिषेक बच्चन, ऐश्वर्या राय बच्चन आणि हृतिक रोशन हे कलाकार झळकले होते. संजय यांनी ‘मेरे यार की शादी है’, ‘तेरे लिए’, ‘किडनॅप’, ‘अजब गजब लव्ह’ आणि ‘ऑपरेशन परिंदे’ यांसारख्या चित्रपटांचे दिग्दर्शनही केले होते.