अभिनेता रितेश देशमुख बॉलिवूडच्या प्रसिद्ध कलाकारांमध्ये गणला जातो. तो सोशल मीडियावर कायमच सक्रिय असतात. विविध फोटो आणि व्हिडीओ शेअर करत तो चाहत्यांच्या संपर्कात राहण्याचा प्रयत्न करत असतो. त्याने रुपेरी पडद्यावर हटके भूमिका साकारत नेहमीच प्रेक्षकांच्या मनावर अधिराज्य गाजवलं. इतकंच नव्हे तर विनोदी चित्रपटामध्ये काम करत रितेशने प्रेक्षकांना खळखळून हसायलाही लावलं. रितेश देशमुख आणि बॉलिवूडचा किंग शाहरुख खान हे एकमेकांचे फार चांगले मित्र आहेत. मात्र नुकतंच रितेश देशमुखने शाहरुख खानच्या पार्टीबद्दल विविध खुलासे केले आहे. शाहरुख खान हा त्याच्या चित्रपटाप्रमाणे विविध पार्ट्यांसाठीही खास ओळखला जातो. त्याच्या मन्नत बंगल्यावर होणाऱ्या पार्ट्या या फारच चर्चेत असतात. त्याचे अनेक फोटो आणि व्हिडीओ सोशल मीडियावर व्हायरल होत असतात. मन्नतवर होणारी प्रत्येक पार्टी ही अतिशय भव्य असतात. नुकतंच या पार्ट्यांबद्दल रितेश देशमुखने एक स्पष्ट उत्तर दिले. Unfiltered by Samdish या मुलाखतीदरम्यान रितेश देशमुखने शाहरुखच्या मन्नत बंगल्यावरील पार्टीबद्दल खुलासा केला.आणखी वाचा : “पहिलं आणि शेवटचं…” शिव ठाकरेबद्दलचा प्रश्न विचारल्यानंतर वीणा जगताप संतापली यावेळी तो म्हणाला, मी आणि शाहरुख एकमेकांचे फार चांगले मित्र आहोत. हे बेबी या चित्रपटात मी प्रमुख भूमिका साकरत होती. त्यात शाहरुखने पाहुण्या कलाकाराची भूमिका साकारली होती. मन्नतमध्ये जेव्हा कधी पार्टीचे आयोजन झाले, त्यावेळी मी अनेकदा त्यांना उपस्थित लावली आहे. या पार्टीत सर्व काही फार छान असते. विशेष म्हणजे यावेळीची सर्वात चांगली गोष्ट म्हणजे याचा होस्ट. जेव्हा कधी मन्नतमध्ये पार्टी होते तेव्हा शाहरुख स्वत: तुम्हाला गाडीपर्यंत सोडायला येतो. तुमच्यासाठी तो गाडीचा दरवाजा उघडतो आणि तुम्हाला निरोपही देतो. पण या पार्टीत मला एक गोष्ट फार खटकली आणि ती म्हणजे तिकडे असणारे जेवण. मन्नतमध्ये जेव्हा कधी गेट टू गेदर किंवा पार्टी असते तेव्हा रात्री उशिरा ३ वाजता जेवायला मिळते, असे रितेश म्हणाला. आणखी वाचा : “मी तुमच्या गटाचा…” एकनाथ शिंदेंच्या दसरा मेळाव्यानंतर अवधूत गुप्तेची ‘ती’ पोस्ट चर्चेत दरम्यान २०२३ मध्ये शाहरुख खानचे तीन चित्रपट प्रदर्शित होत आहेत. येत्या जानेवारी महिन्यात तो यशराज फ्लिम्सच्या 'पठाण' चित्रपटात झळकणार आहे. तर जूनमध्ये 'जवान' आणि 'डंकी' हे चित्रपट प्रदर्शित होत आहेत.
