तैमूर नव्हे तर यावेळी धाकट्या मुलाबरोबरचा फोटो करीनाने केला शेअर, म्हणाली “आम्ही दोघे… “

करीनाने यावेळी चित्रीकरणाला जाताना आपल्या धाकट्या मुलाला नेले आहे. नुकतेच तिने दोघांचे फोटो इन्स्टाग्रामवर शेअर केले आहेत. ‘माझ्या मुलासोबत काम करायला निघाले…पण निघण्यापूर्वी एक पोज’, असा कॅप्शन तिने दिला आहे. फोटोमध्ये दोघे आहेत, करीनाने पांढरी हुडी परिधान केली आहे तर डेनिम जीन्स, पांढरे शूज आणि गॉगल असा गेटअप केला आहे. मुलानेदेखील काळ्या रंगाचे कपडे परिधान करत आईसारखा गॉगल घातला आहे. त्याने आईचा हात पकडला आहे. आलिया भट्टने या फोटोवर कॉमेंट केली आहे ज्यात ती तिने लिहले आहे सुपरस्टार, त्यांच्या या फोटोवर नेटकऱ्यांचा कॉमेंट्स येत आहेत.

“माझ्या वडिलांचे गुरु…” प्रसिद्ध गायक किशोर कुमार यांच्या मुलाने केला होता खुलासा

हंसल मेहता पहिल्यांदाच करीना कपूरबरोबर काम करणार आहेत. त्यांनी ‘अलिगढ’, ‘छलांग’, ‘ओमेरात’ यांसारख्या चित्रपटाचे दिग्दर्शन केले आहे. चित्रपटात करीना मुख्य भूमिकेत आहे. या चित्रपटात ती एका गुप्तहेराची भूमिका साकारणार आहे. एकता कपूरने या चित्रपटाची निर्मिती केली आहे. करीनाचे चाहते या चित्रपटाची वाट बघत आहेत.

करीनाने आपल्या करियरची सुरवात रेफ्युजी चित्रपटातून केली होती. ‘कभी ख़ुशी कभी गम’, ‘३ इडियट्स’, ‘जब वि मेट’ हे तिचे गाजलेले चित्रपट. करीनाने सैफबरोबर १६ ऑक्टोबर २०१२ साली लग्न केले. करीनाने लग्नानंतरदेखील आपले करियर सुरु ठेवले आहे. करीना आणि सैफने २०१६ मध्ये त्यांनी आपल्या पहिल्या मुलाला तैमूरला जन्म दिला तर मागच्या वर्षी फेब्रुवारीमध्ये त्यांनी आपल्या दुसऱ्या मुलाला म्हणजे जहांगीरला जन्म दिला.