अभिनेता कार्तिक आर्यनचा एक व्हिडीओ व्हायरल होत आहे. ज्यामध्ये तो आगामी मध्य प्रदेश विधानसभा निवडणुकीत काँग्रेसचे उमेदवार कमलनाथ यांना पाठिंबा देताना दिसतो. पण हा व्हिडीओ मॉर्फ केलेला आहे, असं अभिनेत्याने स्पष्टीकरण दिलं आहे. ओरिजनल व्हिडीओ एका जाहिरातीचा असल्याचं कार्तिकने म्हटलं आहे. तसेच आपला कोणत्याही राजकीय पक्षाशी संबंध नसल्याचे कार्तिकने स्पष्ट केले आहे. “मी तिच्याइतकी सुंदर नाही पण…”, ‘या’ अभिनेत्रीने साकारावी आपली भूमिका, सुधा मूर्तींची इच्छा कार्तिक आर्यनने डिज्नी प्लस हॉटस्टारची जाहिरात केली होती. ती जाहिरात एडिट करून ती काँग्रेसचा प्रचार करणारी बनवली आहे. मॉर्फ केलेल्या व्हिडीओमध्ये बिलबोर्डवर राजकीय नेत्यांचे फोटो दिसतात. तसेच राजकीय पक्षाचा प्रचार करण्यासाठी कार्तिकचे संवादही डब करण्यात आले आहेत. इतर कलाकारांच्या तोंडी असलेल्या संवादातही बदल करण्यात आले आहेत. कार्तिकच्या जवळच्या सूत्राच्या हवाल्याने 'इंडियन एक्सप्रेस'ने दिलेल्या वृत्तानुसार, अभिनेत्याचा कोणत्याही राजकीय पक्षाशी संबंध नाही. काँग्रेसच्या प्रचारासाठी मॉर्फ केलेला व्हिडीओ - दरम्यान, मध्य प्रदेशमधील कमलनाथ सरकारचा प्रचार करणारी जाहिरात व्हायरल झाल्यानंतर कार्तिक आर्यनने त्याच्या एक्स (पूर्वीचे ट्विटर) अकाउंटवर 'ही खरी जाहिरात, बाकी सगळं बनावटी आहे,' या कॅप्शनने व्हिडीओ पोस्ट केला आहे. ओरिजनल व्हिडीओ - दरम्यान, कार्तिकच्या जवळच्या स्त्रोताने दिलेल्या माहितीनुसार, “सोशल मीडियावर कार्तिक आर्यनच्या जाहिरातीची एक मॉर्फ केलेली आवृत्ती फिरत आहे. ओरिजनल जाहिरात त्याने डिज्नी प्लस हॉटस्टार या स्ट्रीमिंग प्लॅटफॉर्मसाठी केली होती. हा व्हिडीओ दिशाभूल करणारा आहे. कार्तिकचा कोणत्याही राजकीय पक्षाशी संबंध नाही.”
