खूपच बदललीय ‘लगान’मधील निरागस गौरी, २३ वर्षांनंतर आता कशी दिसते अभिनेत्री Gracy Singh? पाहा व्हिडीओ

‘लगान’ १५ जून २००१ रोजी रिलीज झाला होता. २३ वर्षांत या चित्रपटातील कलाकारांमध्ये बरेच बदल झाले आहेत. ते तेव्हाच्या तुलनेत आता खूप वेगळे दिसतात. या चित्रपटात आमिर खानसोबत ब्रिटिश अभिनेत्री रेचेल शेली हिने काम केलं होतं, त्याचबरोबर ग्रेसीने यात गौरी नावाचे पात्र साकारले होते. या २३ वर्षांत ग्रेसी खूप बदलली आहे.

प्रसिद्ध अभिनेत्रीच्या पतीचा मोठा निर्णय, पत्नी अन् सासऱ्यांचं नाव लावणार; काही दिवसांपूर्वीच झालंय लग्न

आमिर खानच्या या ब्लॉकबस्टर चित्रपटात निरागस गौरीची भूमिका करणारी ग्रेसी सिंह आता ४३ वर्षांची झाली आहे. २३ वर्षांनंतर या अभिनेत्रीला पाहून तिला ओळखणंही कठीण झालं आहे. तिच्या दिसण्यात बदल झाला असली तरी ती सुंदर दिसत आहे. ‘लगान’ व्यतिरिक्त, ग्रेसी ‘मुन्नाभाई एमबीबीएस’, ‘गंगाजल’ आणि ‘मुस्कान’ सारख्या चित्रपटांमध्ये झळकली आहे.

Video: ऐश्वर्या राय-आराध्या बच्चनचा ‘तो’ व्हिडीओ व्हायरल, बिग बींच्या नातीने वळून पाहिलं अन् पापाराझींना म्हणाली…

ग्रेसी सिंहचा व्हिडीओ होतोय व्हायरल

सध्या तिचा एक व्हिडीओ व्हायरल होत आहे ज्यामध्ये तिचा आताचा आणि पूर्वीचा लूक दाखवला जात आहे. २००४ मध्ये प्रदर्शित झालेल्या तिच्या ‘मुस्कान’ चित्रपटाची क्लिप यात पाहायला मिळते. सोशल मीडियावर अभिनेत्रीचा हा व्हिडीओ पाहिल्यानंतर नेटकऱ्यांनीही विविध प्रतिक्रिया दिल्या आहेत. काहींनी तिचे वर्णन अतिशय सुंदर स्त्री, असं केलं आहे. अनेकांनी तिच्या ‘मुस्कान’ चित्रपटाचा व त्यातील गाण्यांचा उल्लेख केला आहे. हा चित्रपट व त्यातील गाणी खूप सुंदर आहेत, असं त्यांनी म्हटलं आहे.

बर्लिनमध्ये Naked Party मध्ये सहभागी झाली बॉलीवूड अभिनेत्री, २० मिनिटांत काढला पळ; म्हणाली, “मला कुणाचेही प्रायव्हेट पार्ट…”

सोशल मीडियावर सक्रिय आहे ग्रेसी

ग्रेसी सिंग बऱ्याच काळापासून अभिनयापासून दूर आहे. पण ती सोशल मीडियावर खूप सक्रिय आहे. ती तिचे व कुटुंबाचे फोटो सोशल मीडियावर चाहत्यांबरोबर शेअर करत असते. इन्स्टाग्रामवर तिचे दीड लाख फॉलोअर्स आहेत. ग्रेसी प्रशिक्षित ओडिसी आणि भरतनाट्यम नृत्यांगना आहे. तिने आपल्या करिअरची सुरुवात द प्लॅनेट्स या डान्स ग्रुपबरोरब केली होती. तिने ‘अमानत’ या टीव्ही मालिकेतून अभिनय क्षेत्रात पदार्पण केलं होतं.