फ्लॉप चित्रपट, लग्न लपवूनही मिळालं नाही काम; अभिनेत्याने अखेर इंडस्ट्री सोडली अन् आता सांभाळतोय…

मुख्य भूमिकेतून गिरीश कुमारने केलेलं पदार्पण

गिरीश कुमारने २०१३ मध्ये ‘रमैया वस्तावैय्या’ चित्रपटातून बॉलीवूडमध्ये पदार्पण केलं. यात त्याने मुख्य भूमिका साकारली होती. या चित्रपटात गिरीश कुमार सोबत श्रुती हासन व सोनू सूद महत्त्वाच्या भूमिकेत होते. गिरीश कुमारच्या पहिल्या चित्रपटाची निर्मिती त्याचे वडील आणि टिप्स इंडस्ट्रीजचे मालक कुमार तौरानी यांनी केली होती. या चित्रपटातील ‘जीने लगा हूँ’ हे गाणं खूप गाजलं होतं.

“तो सतत खोटं बोलत होता आणि…”, प्राजक्ता माळीचा ‘त्या’ रिलेशनशिपबद्दल खुलासा; म्हणाली, “त्याचे पुरावे…”

पदार्पणाचा चित्रपट झाला फ्लॉप

‘रमैया वस्तावैय्या’मध्‍ये गिरीश कुमारच्‍या अभिनयाचं कौतुक झालं होतं, पण हा चित्रपट बॉक्‍स ऑफिसवर फारशी कमाई करू शकला नव्हता. सॅकनिल्कच्या रिपोर्टनुसार, ३८ कोटी रुपयांमध्ये बनलेला हा चित्रपट भारतात फक्त ३६ कोटींचा व्यवसाय करू शकला होता. त्याचबरोबर या चित्रपटाने जगभरात ५० कोटींचा व्यवसाय केला होता. सॅकनिल्कवरील माहितीनुसार, गिरीश कुमारचा ‘रमैया वस्तावैया’ हा चित्रपट फ्लॉप ठरला होता.

“दागिने गहाण ठेवले, FD मोडल्या”, भलंमोठं कर्ज काढून प्राजक्ता माळीने घेतलंय फार्महाऊस; म्हणाली, “माझ्या आईने…”

दुसरा चित्रपटही झाला फ्लॉप

पहिला चित्रपट फ्लॉप झाल्यानंतर गिरीश कुमार याने २०१६ मध्ये ‘लवशुदा’ या रोमँटिक चित्रपटात काम केलं होतं, परंतु हा चित्रपटही बॉक्स ऑफिसवर चांगलाच फ्लॉप झाला होता.

करिअरसाठी लपवलं लग्न

२०१६ मध्ये ‘लवशुदा’ रिलीज होण्यापूर्वी गिरीश कुमारने त्याची लहानपणीची मैत्रीण क्रसना मंगवानीशी लग्न केलं होतं, परंतु त्याने आपलं लग्न लपवण्याचा निर्णय घेतला. ‘इंडिया डॉट कॉम’च्या वृत्तानुसार, गिरीश कुमारने स्वतः याबद्दल सांगितलं होतं. लग्न झालंय असा टॅग लागल्यास त्याच्या करिअरवर परिणाम होऊ शकतो हा विचार करून त्याने लग्नाची माहिती लपवली होती. पण २०१७ मध्ये सोशल मीडियावर एक पोस्ट शेअर करून त्याने लग्नाचा खुलासा केला होता.

१९ वर्षी पदार्पण, ३८ वर्षांनी मोठ्या अभिनेत्यासह रोमान्स; १० वर्षात सगळे चित्रपट फ्लॉप तरी मिनिटाला कोट्यवधींचे मानधन घेते ‘ही’ अभिनेत्री

सांभाळतोय वडिलांचा व्यवसाय

२०१८ मध्ये गिरीश कुमार एका शॉर्ट फिल्ममध्ये दिसला आणि त्यानंतर तो बॉलीवूड इंडस्ट्रीपासून पूर्णपणे दूर गेला. ‘डीएनए’च्या वृत्तानुसार आता गिरीश कुमार हा टिप्स इंडस्ट्रीजचा चीफ ऑपरेटिंग ऑफिसर (सीओओ) आहे. तो त्याच्या वडिलांचा व्यवसाय पुढे नेण्यासाठी काम करत आहे. या कंपनीची व्हॅल्यू ४७०० कोटी रुपये आहे. ही कंपनी चित्रपट निर्मिती, वितरण आणि इतर कामं करते.