गोविंदाबरोबर ३८ वर्षांंच्या संसारानंतर सुनीता आहुजा यांनी घटस्फोटासाठी दाखल केला अर्ज? केले 'हे' गंभीर आरोप

Sunita Ahuja files for divorce from Govinda: "जो कोणी माझे कुटुंब तोडण्याचा प्रयत्न...", सुनीता आहुजा काय म्हणालेल्या?

सुनीता आहुजा आणि गोविंदा (फोटो सौजन्य: इन्स्टाग्राम)

Sunita Ahuja files for divorce from Govinda: बॉलीवूडचा लोकप्रिय अभिनेता गोविंदा अनेकदा त्याच्या खासगी आयुष्यामुळे चर्चेत असतो. अनेकदा गोविंदाची पत्नी सुनीता आहुजा या विविध मुलाखतींमध्ये वक्तव्य करताना दिसतात. आता मात्र हे जोडपे एका वेगळ्याच कारणामुळे चर्चेत आले आहे. फेब्रुवारी २०२५ मध्ये, गोविंदा व त्याची पत्नी सुनीता आहुजा एकमेकांपासून वेगळे होणार असल्याचे, ते घटस्फोट घेणार असल्याचे समोर आले होते.

गोविंदाचे वकील आणि मित्र ललित बिंदल यांनी या अफवांबद्दल महत्त्वाची माहिती दिली होती. ते म्हणाले होते की, सहा महिन्यांपूर्वी घटस्फोटासाठी अर्ज दाखल केला होता, पण तो नंतर मागे घेतला. आता त्यांच्यात सर्व काही ठीक आहे. त्यानंतर काही दिवसांपूर्वीच सुनीता आहुजा यांनी त्यांच्या युट्यूब व्लॉगमध्येदेखील घटस्फोटाबाबत वक्तव्य केले होते.

सुनीता आहुजा यांनी गोविंदावर लावले ‘हे’ गंभीर आरोप

आता मात्र समोर आलेल्या रिपोर्टनुसार, सुनीता आहुजा यांनी घटस्फोटाचा अर्ज दाखल केला आहे. त्यांनी वांद्रेच्या कौटुंबिक न्यायालयात घटस्फोटाचा अर्ज दाखल केला आहे. याबरोबरच, त्यांनी गोविंदावर काही गंभीर आरोप केले आहेत आणि गोविंदाकडून घटस्फोटाची मागणी केली आहे.

हॉटरफ्लायने दिलेल्या वृत्तानुसार, सुनीता यांनी हिंदू विवाह कायदा, १९५५ च्या कलम १३ (१) (i), (ia) आणि (ib) अंतर्गत याचिका दाखल केली आहे. सुनीता आहुजा यांनी लग्नाच्या ३८ वर्षांनंतर त्यांना घटस्फोट का घ्यायचा आहे, याचे कारण सांगितले आहे. ज्यामध्ये त्यांनी गोविंदावर अफेअर, अत्याचार तसेच एकटे सोडल्याचा आरोप केला आहे.

न्यायालयाने २५ मे रोजी गोविंदाला समन्स बजावले होते. परंतु, अभिनेता कोणत्याही सुनावणीसाठी स्वत: उपस्थित राहिला नाही. त्यामुळे त्याला कारणे दाखवा नोटीस बजावण्यात आली. जून २०२५ पासून सुनीता आहुजा सुनावणी आणि न्यायालयीन आदेशानुसार समुपदेशन सत्रांना नियमितपणे हजर राहतात. मात्र, गोविंदा या सत्रांना हजर राहिला नाही.

सुनीता आहुजा यांनी नुकतेच यूट्यूब चॅनल सुरू केले आहे. त्यावर त्या व्लॉग व्हिडिओ शेअर करतात, त्यापैकी एका व्हिडिओमध्ये त्यांनी त्यांच्या घटस्फोटाच्या अफवांबद्दल वक्तव्य केले होते. त्या व्हिडीओमध्ये सुनीता आहुजा यांनी महालक्ष्मीचे मंदिर दाखवत लहानपणापासून त्या मंदिरात येत असल्याबद्दल सांगितले होते. तसेच, घटस्फोटाबद्दल बोलताना त्या रडल्या होत्या.

त्या म्हणालेल्या “जेव्हा मी गोविंदाला भेटले तेव्हा देवीला प्रार्थना केली की माझे त्याच्याशी लग्न व्हावे आणि आमचे आयुष्य उत्तम पद्धतीने व्यतित व्हावे. देवीने माझ्या सर्व इच्छा पूर्ण केल्या, तिच्या आशीर्वादाने मला दोन मुलेही झाली. पण जीवनात चढ-उतार असतात.”

पुढे त्या असेही म्हणालेल्या, “माझी देवीवर श्रद्धा आहे. मी देवीच्या तिन्ही रूपांवर मनापासून प्रेम करते. परिस्थिती काहीही असो, जो कोणी माझे कुटुंब तोडण्याचा प्रयत्न करेल, त्यांना देवी माफ करणार नाही.”

हेही वाचा

Coolie Collection : रजनीकांतच्या ‘कुली’ने जगभरात कमावले तब्बल ‘इतके’ कोटी, अनेक दाक्षिणात्य कलाकारांच्या सिनेमांना टाकलं मागे

दरम्यान, गोविंदा आणि सुनीता यांनी १९८७ ला लग्नगाठ बांधली. त्यांना टीना आणि यशवर्धन ही दोन मुले आहेत. घटस्फोटाच्या रिपोर्टवर गोविंदा किंवा सुनीता आहुजा यांनी अधिकृतपणे कोणतेही वक्तव्य केले नाही. ते यावर काय प्रतिक्रिया देणार, हे पाहणे महत्वाचे ठरणार आहे.

गोविंदाबरोबर ३८ वर्षांंच्या संसारानंतर सुनीता आहुजा यांनी घटस्फोटासाठी दाखल केला अर्ज? केले ‘हे’ गंभीर आरोप

Sunita Ahuja files for divorce from Govinda: "जो कोणी माझे कुटुंब तोडण्याचा प्रयत्न...", सुनीता आहुजा काय म्हणालेल्या?

सुनीता आहुजा यांनी गोविंदावर लावले ‘हे’ गंभीर आरोप