माथी त्रिपुंड व हातात आरतीचं ताट घेत सनी लिओनीने केली गंगा आरती; धार्मिक चित्रपटात काम करण्याची व्यक्त केली इच्छा

पोलिसांनी मोठ्या कष्टाने ही परिस्थिती हाताळावी लागली. प्रथमच बनारसला भेट देणारी सनी माजी आयएएस अधिकारी अभिषेक सिंग यांच्यासह संध्याकाळी उशिरा दशाश्वमेध घाटावर होणाऱ्या गंगा आरतीमध्ये सहभागी झाली होती. यावेळी त्यांनी वैदिक पद्धतीने गंगा मातेची पूजा केली. ही भव्य आरती पाहून सनी अगदीच मंत्रमुग्ध झाली. गंगा सेवा निधीचे अध्यक्ष सुशांत मिश्रा, कोषाध्यक्ष आशिष तिवारी, सचिव सुरजीत सिंह, यांनी सनीला पोषाख स्मृतिचिन्ह आणि प्रसाद दिला.

आणखी वाचा : मराठा मंदिरचे मालक मनोज देसाई यांनी ‘टायगर ३’बद्दल व्यक्त केली नाराजी; म्हणाले, “माझ्या फार…”

जगतगंज येथील हॉटेलमध्ये वास्तव्यास असताना सनी लिओनीने पत्रकारांशी व उपस्थित असलेल्या मीडियाशी संवाद साधला. दरम्यान बनारससारख्या शहराला भेट दिल्याचा फार आनंद झाल्याचा खुलासाही सनीने केला आहे. याबरोबरच सनीने धार्मिक चित्रपटातही काम करण्याची इच्छा व्यक्त केली.

‘जागरण मीडिया’च्या वृत्तानुसार मीडियाशी संवाद साधताना सनी म्हणाली, “संधी मिळाली तर मला धार्मिक चित्रपटांतही काम करायला आवडेल. परंतु असे चित्रपट फार विचारपूर्वक करावे लागतात.” असं सनीचं म्हणणं आहे. याबरोबरच सनी आगामी भारत-ऑस्ट्रेलियाच्या विश्वचषकाच्या अंतिम सामन्यासाठी उत्सुक असल्याचंही नमूद केलं. सनीने यासाठी संपूर्ण भारतीय संघाला शुभेच्छाही दिल्या.