मागच्या बऱ्या काळापासून चर्चेत असलेला अमृता खानविलकर आणि आदिनाथ कोठारे यांचा ‘चंद्रमुखी’ हा चित्रपट आज सर्वत्र प्रदर्शित झाला आहे. पण त्याआधी या चित्रपटाच्या टीमनं चित्रपटाचं अगदी शेवटच्या क्षणापर्यंत जोरदार प्रमोशन केलं यांचीच एक झलक मुंबईतील छत्रपती शिवाजी महाराज आंतरराष्ट्रीय विमानतळतळावर पाहायला मिळाली. गुरुवारी एकदम गजबजून गेले होते. सर्वत्र ढोलकीचा ताल, घुंगरांचे बोल घुमत होते. या उत्साही वातावरणात या विमानतळावर लावण्यवती ‘चंद्रमुखी’ अवतरली होती. आपल्या साजशृंगार, मोहमयी नजाकती, अदांनी ‘चंद्रा’ने उपस्थितांना घायाळ केले. यावेळी ‘चंद्रा’ने सादर केलेल्या या नृत्यात हवाईसुंदरींनीही ठेका धरला.
मुंबई विमानतळावरील एक व्हिडीओ चंद्रमुखी आणि दौलतराव म्हणजेच अमृता खानविलकर आणि आदिनाथ कोठारे यांनी त्यांच्या इन्स्टाग्रामवर शेअर केला आहे. हा व्हिडीओ शेअर करताना आदिनाथनं लिहिलं, ‘माझी चंद्रमुखी आता आकाशात झेप घेणार! उद्यापासून ती तुम्हा माय बाप प्रेक्षकांची होणार! माझ्या चंद्राची काळजी घ्या.. घेणार नं ? – दौलत’ हा व्हिडीओ सध्या सोशल मीडियावर व्हायरल होताना दिसत असून यात अमृताच्या चेहऱ्यावरील आनंद ओसांडून वाहताना दिसत आहे.
आणखी वाचा- “लिव्ह इन चालणार नाही…” सरोगसीसाठी डॉक्टरांनी अभिनेत्रीकडे मागितला लग्नाचा पुरावा
सध्या सर्वत्र प्रसाद ओक दिग्दर्शित ‘चंद्रमुखी’चीच चर्चा आहे. पुण्यातील मेट्रोमध्ये प्रवाशांना आपल्या सूरतालात नाचायला भाग पाडल्यानंतर ‘चंद्रा’ने मुंबईतील छत्रपती शिवाजी महाराज आंतरराष्ट्रीय विमानतळावर आपला जलवा सादर केला. मराठी सिनेसृष्टीत एखाद्या चित्रपटाला अशा प्रकारे प्रसिद्धी देण्याचा हा पहिलाच प्रयोग होता. स्पाईसजेटच्या विमानावर यावेळी ‘चंद्रमुखी’चे पोस्टरही झळकले.
आणखी वाचा- दिशा पाटनीनं केली लिप्स सर्जरी? टायगरच्या Heropanti 2 पेक्षा गर्लफ्रेंडचीच चर्चा
अक्षय बर्दापूरकर, प्लॅनेट मराठी, व्हिस्टास मीडिया कंपनी आणि गोल्डन रेशो फिल्म्स निर्मित, क्रिएटिव्ह वाईब प्रॅाडक्शन प्रस्तुत फ्लाईंग ड्रॅगन एंटरटेनमेंट, येलस्टार फिल्म्स, लाईटविदिन एंटरटेनमेंट सहप्रस्तुत या चित्रपटात अमृता खानविलकर, आदिनाथ कोठारे यांच्यासह मृण्मयी देशपांडे, मोहन आगाशे, अशोक शिंदे, राजेंद्र शिसतकर, समीर चौघुले, नेहा दंडाळे, राधा सागर यांच्यासह अन्य प्रमुख कलाकार आहेत.
