बॉलीवूडची आघाडीची अभिनेत्री दीपिका पदुकोण भलेही तिच्या कामात व्यस्त राहत असेल. पण, त्याचसोबत ती आपल्या घरच्या गोष्टींकडेही तितकेच लक्ष देते. स्पॉटबॉय या संकेतस्थळाने दिलेल्या माहितीनुसार दीपिका तिच्या जुन्या घरासाठी भाडोत्री शोधत असल्याचे कळते.
सध्या दीपिका तिचा जुना फ्लॅट भाडेतत्त्वार देण्याच्या विचारात आहे. अभिनेता रणबीर कपूरसह प्रेमबंधनात असताना दीपिकाने पाली हिल येथे हा फ्लॅट घेतला होता. खरंतर हा फ्लॅट त्यावेळी रणबीरनेच दीपिकाला घेऊन दिल्याचीही चर्चा होती. रणबीरशी ब्रेकअप झाल्यानंतर चार वर्षापूर्वी तिने हे घर रिकामी केले आणि आता ती प्रभादेवी येथे ४ बीएचकेच्या घरामध्ये राहते. मात्र, जुने घर सोडल्यावरही दीपिकाला ते विकण्याची इच्छा नसल्याने तिने ते भाडेतत्वावर दिले होते. काही दिवसांपूर्वी तेथे राहत असलेल्या भाडेकरूंचा करार संपल्याने दीपिका आता नव्या भाडेकरूंच्या शोधात आहे. या संदर्भात दीपिकाने काही उच्च मालमत्ता सल्लागारांशी संपर्क साधल्याचेही कळते.