पंतप्रधान नरेंद्र मोदी यांचं निसर्गाप्रति असलेलं प्रेम कधीच लपून राहिलेलं नाही. भाषणात किंवा मुलाखतीत त्यांनी याबद्दल अनेकदा भाष्य केलं आहे. पक्षीप्रेमाचा असाच एक व्हिडीओ आणि फोटो मोदी यांनी सोशल मीडियावर पोस्ट केला होता. त्यांच्या या फोटोवर बॉलिवूड दिग्दर्शक हंसल मेहता यांनी उपरोधिक टोला लगावला आहे. Sack the production designer. pic.twitter.com/Fzd2y7aGku — Hansal Mehta (@mehtahansal) August 26, 2020 नरेंद्र मोदी बागेत बसून पेपर वाचत आहेत. आणि त्यांच्या शेजारी बदकं उभी आहेत. असा हा फोटो सध्या सर्वत्र चर्चेत आहे. "या प्रोडक्शन डिझायनरला काढा" अशा आशाचं ट्विट करुन हंसल मेहता यांनी या फोटोवरुन मोदींना उपरोधिक टोला लगावला आहे. त्यांचं हे ट्विट सध्या सोशल मीडियावर सर्वांचेच लक्ष वेधून घेत आहे. मोदी यांनी इन्स्टाग्राम आणि यू ट्यूबवर मोराचा एक व्हिडीओ पोस्ट केला आहे. त्यात मोदींच्या निवासस्थानी मोर आल्याचं दिसत आहे. निवास्थानी आलेल्या या खास पाहुण्यांची मोदी यांनी काळजी घेतली. या मोरांना मोदी दाणे टाकत असल्याचं व्हिडीओत दिसत आहे. या व्हिडीओत दिसणारा मोर याआधीही पंतप्रधानांच्या घरासमोरील बागेत दिसला आहे.
