धक्कादायक असं काहीच वाटत नाही; #MeToo मोहिमेवर हेमा मालिनींची प्रतिक्रिया

ज्येष्ठ अभिनेता संजय खान यांच्या ऑटोबायॉग्राफी नुकतीच लॉन्च करण्यात आली. या सोहळ्यात बॉलिवूडमधील अनेक कलाकार उपस्थित होते. यात हेमा मालिनी यांचीदेखील उपस्थिती होती. यावेळी प्रसारमाध्यमांनी हेमा मालिनी यांना #MeToo मोहिमेविषयी काही प्रश्न विचारले. या प्रश्नांची उत्तर देताना ‘मी टू विषयी मला काहीच वाटत नाही’ असं म्हटलं आहे.

‘सध्या जे काही घडत आहे ते पाहून मला काहीच वाटत नाहीये. अनेकांना हे धक्कादायक वाटत असेल परंतु मला तसं काहीच वाटत नाही. यात धक्कादायक असं काहीच नाही’, असं हेमा मालिनी म्हणाल्या.

पुढे त्या असंही म्हणाली, ‘देशभरामध्ये सध्या सारेच जण metoo विषयी बोलत आहेत. व्यक्त होत आहेत. काही जण महिलांना पाठिंबा देत आहेत. तर काही जण टीकाही करत आहेत. पण या साऱ्यामध्ये महिलांना स्वत:चं रक्षण स्वत:च करावं लागणार आहे. त्यासाठी इतरांवर अवलंबून राहण्यात अर्थ नाही. कोणती व्यक्ती कशी आहे हे आपल्याला ओळखता आलं पाहिजे’.  हेमा मालिनी यांनी ‘मी टू’ यावर दिलेली ही प्रतिक्रिया ऐकून अनेकांनी आश्चर्य व्यक्त केल्याचं पाहायला मिळत आहे. मात्र त्यांच्या या वक्तव्यामुळे त्या चर्चेमध्ये आल्या आहेत.