पाहाः दीपिका, अर्जुन सांगत आहेत का बघावा ‘फाइंडिंग फॅनी’चा ट्रेलर

चित्रपटाच्या प्रसिद्धीकरिता नवनवीन आयडिया सध्या बॉलीवूडमध्ये पाहावयास मिळत आहेत.

चित्रपटाच्या प्रसिद्धीकरिता नवनवीन आयडिया सध्या बॉलीवूडमध्ये पाहावयास मिळत आहेत. सोशल मिडिया असो किंवा चाहत्यांसोबतचे सेल्फी फोटो काढणे असो बॉलीवूडकर काय काय आयडिया आणतील याचा पत्ता नाही. अशीच नवी शक्कल लढवली जातेय ती आगामी ‘फाइंडिंग फॅनी’ चित्रपटाच्या प्रसिद्धीकरिता. दीपिका पादुकोण आणि अर्जुन कपूरने नुकताच चित्रपटातील त्यांचा फर्स्ट लूक प्रदर्शित केला होता. या चित्रपटाला अधिकाधिक प्रसिद्धी मिळावी म्हणून चित्रपटाची पूर्ण टीम आता नवीन आयडिया घेऊन आली आहे.
चित्रपटातील मुख्य जोडी आणि प्रख्यात कलाकार नसिरुद्दीन शाहा, डिंपल कपाडिया, पंकज कपूर यांनी ९ जुलैला प्रदर्शित होणा-या ‘फाइंडिंग फॅनी’चा ट्रेलर का पाहावा याची कारणे दिली आहेत. डिंपल, नसीर, अर्जुन, दीपिका आणि पंकज यांनी ट्रेलर का पाहावा याची वैयक्तिक कारणे सांगणारा व्हिडिओ प्रदर्शित करण्यात आला आहे. गोव्यातील रोडट्रीपवर चित्रीत करण्यात आलेल्या या चित्रपटाची कथा लहानपणीच्या मित्रांचा शोध घेत असलेल्या पाच पात्रांवर आधारित आहे. होमी अदाजानिया दिग्दर्शित आणि सैफ अली खानच्या इल्युमिन्ती फिल्म्सची निर्मिती असलेल्या ‘फाइंडिंग फॅनी’चे चित्रीकरण ऑक्टोबर २०१३ला सुरु करण्यात आले होते. त्यानंतर केवळ ४१ दिवसांत हे चित्रीकरण पूर्ण झाले. १२ सप्टेंबरला हा चित्रपट प्रदर्शित होईल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Heres why you should watch deepika arjuns finding fanny trailer

Next Story
चित्रगीत : सॅक्रेड चॅण्टस ऑफ शक्ती
ताज्या बातम्या