“जॅकलिन तुमच्याशी खोटं बोलतीये, तिने…” सुकेश चंद्रशेखरचे ईडी चौकशीदरम्यान धक्कादायक गौप्यस्फोट

ईडीच्या चौकशीदरम्यान जॅकलिनने दिलेल्या माहितीनुसार, माझ्या बहिणीने सुकेशकडून १ लाख ५० हजारांचे कर्ज घेतले होते. तसेच सुकेशने ऑस्ट्रेलियात राहणाऱ्या तिच्या भावाच्या खात्यात १५ लाख रुपये ट्रान्सफर केल्याचेही तिने कबूल केले. याबाबत ईडीने सुकेश चंद्रशेखरची चौकशी केली असता त्याने जॅकलिन खोट बोलत असल्याचा दावा केला आहे.

न्यूज १८ ने दिलेल्या माहितीनुसार, सुकेशने जॅकलिनच्या बँक अकाऊंटमध्ये १.८० लाख डॉलर ट्रान्सफर केले होते. तसेच मी जॅकलिनची आई गेराल्डिन यांना BMW X5 देखील भेट म्हणून दिली, असा दावा त्याने चौकशीदरम्यान केला आहे.

‘सेक्स लाइफ मसालेदार’ करण्यासाठी चिंच? आर माधवन आणि सुरवीन चावलाने शेअर केलं सिक्रेट

सुकेशने जॅकलिनला अनेक महागड्या भेटवस्तू दिल्या आहेत. मिळालेल्या माहितीनुसार, सुकेशने जॅकलिनला गुच्ची जिम वेअर, गुच्ची शूज, रोलॅक्स घड्याळ, १५ जोड कानातले, ५ बिर्किन बॅग, हर्म्स बांगड्या आणि एली बॅग यांसारखे महागडे गिफ्ट्स दिले होते. याशिवाय सुकेशने जॅकलिनला मिनी कूपर कारही भेट म्हणून दिली. विशेष म्हणजे सुकेशने जॅकलिनच्या आईला १ लाख ८० हजार डॉलरची पोर्श कारही भेट म्हणून दिली होती.

काही दिवसांपूर्वी जॅकलिनने सुकेश चंद्रशेखरला ती कशी भेटली याबाबतचा खुलासा केला होता. ती सुकेश चंद्रशेखरला कशी भेटली याबाबतही तिने उघडपणे सांगितले आहे. जॅकलिनने सुकेशला फेब्रुवारी २०१७ पासून ओळखत असल्याचा दावा केला आहे. त्यानंतर ऑगस्ट २०२१ मध्ये अटक झाल्यानंतर ती कधीही त्याला भेटली नाही, असेही तिने म्हटले होते.