“तुमच्या पिढीत हे चालतं…”, जया बच्चन यांनी ‘एंग्झायटी अटॅक’साठी इंटरनेटला धरले जबाबदार; म्हणाल्या…

जया बच्चन यांची नात नव्या नवेली नंदा यांच्या ‘व्हॉट द हेल नव्या’ या पॉडकास्टमध्ये त्यांनी अनेक मुद्द्यांवर भाष्य केले. या जुन्या संभाषणात त्यांनी ‘एंग्झायटी अटॅक’ याबद्दल बोलले आणि त्यासाठी कोण जबाबदार आहे हे सांगितले.

नव्या नवेली नंदाच्या पॉडकास्टचा एक जुना भाग व्हायरल होत आहे, त्यानंतर जया बच्चन यांचे शब्द सोशल मीडियावर चर्चेचा विषय बनले. आजच्या पिढीमध्ये एंग्झायटी अटॅक होण्याचे प्रमाण का वाढले आहे हे त्यांनी स्पष्टपणे सांगितले.

संभाषणात जया बच्चन यांनी चिंता व्यक्त केली की, डिजिटल जगाच्या जास्त संपर्कामुळे जनरेशन झेडच्या मानसिक आरोग्यावर वाईट परिणाम होत आहे. जया म्हणाल्या की, जेव्हा आम्ही लहान होतो तेव्हा आम्ही एंग्झायटी अटॅकचे नावही ऐकले नव्हते.

आम्ही हे कधीच ऐकले नव्हते – बालपणात किंवा तारुण्यातही नाही : जया बच्चन

नात नव्याशी बोलताना जया बच्चन म्हणाल्या, “तुमच्या पिढीत हे चालतं ना की फोन आला की लगेच उत्तर द्या, मेसेजेसना उत्तर द्या. फोन आणि इंटरनेटवर सर्व काही वैधता मिळवण्याचा एक मार्ग बनला आहे. आपण चांगले दिसतोय की नाही? आपण बरोबर बोलत आहोत की नाही? या सर्व गोष्टी खूप ताण निर्माण करतात.” जेव्हा नव्याने विचारले की इंटरनेटमुळे तिच्या पिढीला अधिक ताण आला आहे का, तेव्हा जया यांचे सरळ उत्तर होते, ‘अगदी!’ त्या पुढे म्हणाल्या, ‘आमच्या काळात, कोणीही एंग्झायटी अटॅकबद्दल ऐकले नव्हते, बालपणात किंवा तारुण्यातही नाही.”

मुलगी श्वेता बच्चन नंदा तिच्या आईच्या शब्दांशी सहमत नसल्याचे दिसून आले. ती म्हणाली “एंग्झायटी पूर्वीही होती, फरक एवढाच आहे की आता लोक उघडपणे बोलू लागले आहेत. लोक आता ते ओळखतात आणि त्याबद्दल बोलतात.”

बॉलीवूड अभिनेत्री जया बच्चन या अशा अभिनेत्रींपैकी एक आहेत, ज्या निर्भयपणे त्यांच्या मनातल्या भावना व्यक्त करतात. त्यांचे अनेक व्हिडीओ सोशल मीडियावर व्हायरल झाले आहेत, ज्यामध्ये त्या पापाराझींना ओरडताना दिसतात. या निर्भयतेमुळे त्यांना सोशल मीडियावर अनेक वेळा ट्रोल केले जाते.